तारखेडा उपकेंद्र बनले समस्यांचे माहेरघर, रुग्ण फिरत आहेत वाऱ्यावर,सत्यता जाणून घेण्यासाठी रणरणत्या उन्हात कॉंग्रेस पदाधिकारी धडकले.
दिलीप जैन.(पाचोरा)
दिनांक~२०/०५/२०२१
कोरोना सारख्या महामारीच्या कालावधीतही पाचोरा तालुक्यातील तारखेडा उपकेंद्रात हे ठेकेदाराच्या मनमानी व अधिकारींच्या दुर्लक्षामुळे गेल्या सहामहीन्या पासून समस्यांचे माहेरघर बनले होते. म्हणून ग्रामस्थांना उपचार मिळवण्यासाठी पाचोरा शहरात यावे लागत असल्याने सरतेशेवटी तारखेडा ग्रामस्थांनी राष्ट्रीय काँग्रेसचे तालुका अध्यक्ष मा.श्री. सचिन सोमवंशी याच्याकडे आपल्या गावातील आरोग्य उपकेंद्राबदल कैफियत मांडली सदर बाब महित पडताच राष्ट्रीय काँग्रेसच्या कार्यकर्त्यांनी रणरणत्या उन्हात थेट लोहटार उपआरोग्या केंद्रात भेट देऊन ग्रामस्थांच्या समस्या जाणून घेतल्या व केंद्राची पहाणी केली.
कोरोना महामारीच्या कालावधीत ग्रामीण भागातील उपकेंद्र अद्यावत ठेवणे क्रमप्राप्त असतांना पाचोरा तालुक्यातील लोहटार प्राथमिक आरोग्य केंद्राच्या अंतर्गत येणाऱ्या तारखेडा उपकेंद्रात एनआरएचएम अतंर्गत दुरुस्तीचे साडे चार लाख रुपयाचे काम सुरू मागील नोव्हेंबर महिन्यापासून सुरु आहे. मात्र ठेकेदाराचा मनमानी कारभार व चालढकलपणा करत असल्याने रंगकामा व्यतिरिक्त फारसे काही काम झालेले नाही. यातच संबंधित ठेकेदाराने आपल्या मनमानी कारभारामुळे कामासाठी लागणारे अडगळ सामान तेथेच ठेवल्याने उपकेंद्रात संबंधित कर्मचाऱ्यांना काम करणे अशक्य झाले असल्याने या उपकेंद्रात रुग्णांना योग्य उपचार मिळत नव्हते तसेच अधिकारी वर्गाकडे विचारणा केल्यास उडवाउडवीची उत्तरे मिळत होती.
या त्रासाला कंटाळून तारखेडा ग्रामस्थांनी पाचोरा राष्ट्रीय कॉग्रेसचे तालुकाअध्यक्ष मा.श्री.सचिन सोमवंशी यांच्याकडे कैफियत मांडली. ही समस्या माहिती पडताच सोमवंशी यांनी कार्यकर्त्यांना घेऊन रणरणत्या उन्हात तारखेडा उप आरोग्यकेंद्राला थेट भेट दिली. तेथे पोहचल्यानंतर समोर जो प्रकार दिसला तो संतापजनक होता. कारण उपकेंद्राचे कामासाठी केंद्रात समस्या एकाच कामावर दोन वेळा पैसे खर्च करून देखील काम निकृष्ट दर्जाचे दिसुन आले. यावेळी श्री. सोमवंशी यांनी संबंधित अधिकारी शाखा अभियंता श्री.भावसार यांना भ्रमणध्वनीवरुन संपर्क करुन उपकेंद्रांचे काम तात्काळ करा आणि आजच ठेकेदाराचा अडगळ पडलेला सामान बाहेर काढून कोरोना महामारीत उपकेंद्रात स्वच्छता करुन संबंधित कर्मचारी श्रीमती तिरमले यांना ताब्यात द्या असे सांगितले.
तसेच या कामाची चौकशी करुन सबंधित ठेकेदारावर तात्काळ कारवाईची मागणी श्री. सोमवंशी यांनी केली आहे. यावेळी कॉग्रेस पदाधिकारी गणेश पाटील, धनंजय पाटील, राहुल शिंदे, भारत पाटील ग्रामस्थ जगदीश पाटील, महेश गोसावी आदी उपस्थित होते.