धक्कादायक:आधी पत्नीला जीवे ठार मारुन नंतर स्वताः घेतला गळफास. पाचोरा तालुक्यातील सावखेडा येथील घटना.
दिलीप जैन.(पाचोरा)
दिनांक~२९/१०/२०२१
पाचोरा तालुक्यातील सावखेडा बुद्रुक येथे एक खळबळजनक घटना उघडकीस आली आहे. पत्नीचा गळा आवळून ठार केल्यानंतर स्वतः झाडाला पँटने गळफास घेत आत्महत्या केल्याचा प्रकार उघडकीस आला आहे. सतिष धनसिंग परदेशी (वय–३८) आणि गायत्री सतिष परदेशी (वय–३२) असे मृत दांपत्याची नावे असून या घटनेने परिसरात खळबळ उडाली आहे.
याबाबत असे कि दिनांक २८ गुरुवार रोजी रात्री सतिष परदेशी व त्यांची पत्नी गायत्री परदेशी, ६ वर्षाचा मुलगा व ४ वर्षाच्या मुलीसह संपूर्ण कुटुंब निद्रावस्थेत झोपी गेल्यानंतर शुक्रवारी पहाटे ३ वाजेच्या दरम्यान सतिष धनसिंग परदेशी याने गाढ झोपेत असलेली त्याची पत्नी गायत्री सतिष परदेशी हिचा दोन्ही हाताने गळा आवळून तीला ठार केले.
त्यांनंतर सतिष परदेशी याने गावाबाहेर पळत जाऊन येथील माजी सरपंच गोकुळसिंग नथ्थुसिंग परदेशी यांच्या शेतात गेल्यानंतर पळसाच्या झाडावर चढत अंगात असलेल्या स्वेटर व नाईट पँटचे दोन तुकडे करून गळ्याभोवती आवळून गळफास घेऊन आपली जीवन यात्रा संपविली.
सकाळी घडलेल्या या प्रकारची वार्ता गावभर वाऱ्यासारखी पसरल्यानंतर सतिष याचा शोध सुरू झाला. दरम्यान गावातीलच संजय धना सोनवणे हे सकाळी ९ वाजेच्या दरम्यान स्वतःच्या शेतात जात असतांना त्यांना पळसाच्या झाडाला लटकलेल्या अवस्थेत सतिष धनसिंग परदेशी याचा मृतदेह आढळून आल्याने त्याने गावात पळत जाऊन घटनेची माहिती दिली.
दरम्यान, पोलिसांच्या प्राथमिक अंदाजानुसार पत्नीस ठार करून स्वतः गळफास घेणारा इसम काही प्रमाणात वेडसर असल्याचा अंदाज व्यक्त करण्यात आला आहे. घटनास्थळी पिंपळगाव हरेश्वर पोलिस स्टेशनचे सहाय्यक पोलिस निरीक्षक कृष्णा भोये, सहायक फौजदार विजय माळी, हवालदार दिपकसिंग पाटील, संदिप राजपूत, वाहनचालक दिपक अहिरे यांनी पंचनामा केला. मयत पती व पत्नी यांचे शवविच्छेदन पाचोरा ग्रामिण रुग्णालयाचे वैद्यकीय अधीक्षक डॉ. अमित साळुंखे यांनी केले.