दिलीप जैन.(पाचोरा)
दिनांक~३०/०३/२०२२

पाचोरा शहरातील कोंडवाडा गल्लीत राहणारे अर्जुन उखा पाटील यांचा मुलगा राहुल याचा विवाह दिनांक ९ मार्च २०२२ बुधवार रोजी पाथरी तालू पाथरी जिल्हा परभणी येथील पल्लवी उर्फ कडूबाई हिच्याशी झाला. पल्लवी हिचे वडील साहेबराव सांडु मस्के मुळ राहणार म्हसले साबळेवाडी तालुका बदनापुर जिल्हा जालना येथील मूळ रहिवासी आहेत.

विवाह झाल्यानंतर पल्लवी हीला पाचोरा येथे सासरी तीच्या घरी आणले. दिनांक २५ मार्च २०२२ शुक्रवार रोजी सुनबाई पल्लवीला करमत नसल्याने तिने वडिलांना बोलावून घेतले. पल्लवीचे वडील पाचोरा येथे आल्यानंतर पल्लवीला करमत नसल्याने मी आता मुलीला माहेरी घेऊन जातो असा साहेबराव मस्के याने बनाव करून जावई व अर्जुन पाटील यांना आग्रह केला. मात्र सुनबाईला पाठवत नाही असे सासरच्या मंडळी कडून सांगितले गेल्यानंतर पल्लवीला आता हे आपल्या सोबत पाठवणार नाही असे त्यांना समजले.

तपासाअंती काय कारवाई झाली हे सांगतांना संबंधित अधिकारी.

म्हणून त्यांनी मध्यरात्री कटकारस्थान करत पिण्याच्या पाण्यातून गुंगीचे औषध देत सासू, सासरे व पती झोपेत असतांनाच लोखंडी गजाच्या साह्याने त्यांच्यावर वार करत जीवे मारण्याचा प्रयत्न केला या हल्ल्यात हे तिघेही रक्तबंबाळ झाले. मारठोक सुरु असतांनाच जखमींनी आरडाओरडा केल्यामुळे शेजारीचे लोक जागे झाले व त्यांनी अर्जुन पाटील यांच्या घराकडे धाव घेतली तेथे जाऊन पाहिले असता अर्जुन पाटील त्यांची पत्नी व मुलगा जखमी अवस्थेत रक्तबंबाळ झाल्याचे दिसताच जखमींंना लगेचच खाजगी रुग्णालयात दाखल केले. तर हल्लेखोर बाप, लेकीला पोलिसांच्या स्वाधीन केले. या घटनेची दखल घेत पाचोरा पोलिसांनी जखमींचे जबाब घेत सदर मुलगी ही अल्पवयीन असल्याने तिला जळगाव येथील बालसुधारगृहात रवाना करत मुलीच्या बापाला पाचोरा पोलिसांनी अटक केली आहे.

अशी घडली घटना
सदर घटनेतील पल्लवीचा विवाह धुळे येथील एका महिलेच्या मध्यस्थीने पाचोरा येथील अर्जुन पाटील यांचा मुलगा राहुल याचेशी आंतरजातीय विवाह झाला आहे. विवाह झाल्यानंतर पल्लवी सासरी पाचोरा येथे आलेली होती. याच दरम्यान दोन दिवसापूर्वी पल्लवीचे सासरे व पती बाहेरगावी गेल्याने त्याचा फायदा घेत शौचास जाऊन येते असा सासुजवळ बहाणा करत पल्लवीने पळ काढण्याचा प्रयत्न केला होता. शौचास जाऊन दीड तास झाल्यावरही ती घरी आल्यामुळे सासूला संशय आला असता तीने शेजाऱ्यांना सांगितले तेव्हा शेजाऱ्यांनी सगळीकडे शोधा, शोध करत शेवटी बस स्टॅन्ड मध्ये दिसून आली त्यानंतर तिला घरी घेऊन आले आसता याचा राग धरून
मुलीच्या वडिलांनी व मुलीने रात्रीच सासरच्या मंडळीचा काटा काढण्याचे ठरविले होते.

सदर साहेबराव मस्के यांनी सदर मुलीचा एकच वर्षात चौथा विवाह केल्याचे तपासात आढळले. एजंट मार्फत आंतरजातीय विवाह करून फसवणूक करीत लाखोंची लूट करत असल्याचे उघडकीस आले आहे.
जखमी पती, सासरा, सासू या घटनेमुळे हतबल झाले असून पाचोरा शहरात एकच खळबळ उडाली असून अटकेतील आरोपी साहेबराव सांडू म्हस्के यास पाचोरा न्यायालयात हजर केले असता न्यायालयीन कोठडी सुनावली असून आरोपीची धुळे सब्जेलाला रवानगी करण्यात आली आहे. सदर घटनेचा पुढील तपास पोलीस निरीक्षक किसनराव नजनपाटील यांच्या मार्गदर्शनाखाली सहाय्यक पोलीस निरीक्षक राहुल मोरे करीत आहेत. या घटनेत धुळे येथील एका महिलेचा सहभाग असल्याचे बोलले जात असून या महिलेला ताब्यात घेऊन सखोल चौकशी झाल्यास नक्कीच अजून बरीचशी प्रकरणे बाहेर येण्याची शक्यता वर्तवली जात आहे.