दिलीप जैन.(पाचोरा)
दिनांक~०६/१२/२०२०
पाचोरा तालुक्यातील सावखेडा खुर्द येथील शेतकरी रमेश गुलाब परदेशी यांच्या घरालतगत खळयात साठवलेल्या कपासाला काल सायंकाळच्या सुमारास अचानक आग लागल्याने या आगीत जवळपास २५ क्विंटल कापूस जळुन खाक झाला.तसेच घरातील कपडेलत्ते व इतर संसारपयोगी वस्तू, घरसामान जळून खाक झाला.
आग लागल्याचे लक्षात येताच धुराचेल लोट व आराडाओरडा ऐकून सर्व ग्रामस्थांनी घटनास्थळी धाव घेत स्थानिक नागरिकांसह पाचोरा अग्निशमन दलाने आटोकाट प्रयत्नातून आग आटोक्यात आली होती.
पण या आगीची तीव्रता एवढी भयावह होती आयुष्यभर कमावलेली घर व घरामधील सर्व साहित्य जळुन खाक झाले तसेचं कर्ज काढुनी पिकवलेले उत्पन्न पण उभ्या डोळ्यासमोर राख रांगोळी होतांनाची वाईट घटना कुटूंबियांना डोळ्यादेखत दिसत होती.
ही घटना माहीत पडताच पाचोरा, भडगाव तालुक्याचे आमदार मा.श्री. किशोरआप्पा पाटील यांनी सावखेडा गाठत शेतकरी कुटुंबाची भेट घेतली व धीर दिला.
या प्रसंगी मा.उपजिल्हाप्रमुख गणेश पाटील व युवासेना उपतालुकाप्रमुख शिवाजी परदेशी उपस्थित होते.
【मा.श्री. आमदार किशोरआप्पा पाटील.~
मी सावखेडा येथील रमेश परदेशी यांच्या घरी भेट दिली व कुटुंबीयांची भेट घेतली. काल लागलेल्या आगीत कापूस व घरसंसारपयोगी वस्तू जळून खाक झाल्या असून परदेशी कुटुंब उघड्यावर आले आहे.
या कुटूंबाला मदत मिळावी म्हणून मी मा.प्रांताधिकारी पाचोरा यांना सांगून झालेल्या नुकसानीचा पापंचनामा करून मा. मुख्यमंत्री याच्याकडे पाठवून जास्तीत जास्त आर्थिक मदत मिळवून देण्यासाठी मी प्रयत्नशील आहे.असे सांगितले.】