पाचोर्यात वॅक्सिन उपलब्ध मात्र यंत्रणा अपुर्ण :कॉग्रेस मैदानात,१८ वर्ष वरील युवकांना आज पासून वॅक्सिन सुरु.

पाचोरा शहरातील ग्रामीण रुग्णालयात वॅक्सिन उपलब्ध असतांना केवळ यंत्रणा अपुरी असल्याने नागरिक संतप्त झाले. अखेर कॉग्रेस मैदानात उतरल्यावर उपस्थितांना वॅक्सिन देण्यात आल्या असून आजपासून १८ वर्षे वरील युवकांसाठी केंद्र सुरू करण्यात आले आहे.

पाचोरा शहरातील पंचायत समिती सभापती निवासस्थानी वॅक्सिनचे एकच केंद्र उभारण्यात आले आहे. या केंद्रात दैनंदिन १०० लोकांनाच कोरोनाची लस दिली जाते. लसींचा साठा उपलब्ध असतांना देखील दुपारी केंद्र बंद केले जात होते. गेल्या दोन दिवसांपासून कॉग्रेस तालुका अध्यक्ष सचिन सोमवंशी यांनी जिल्हा आरोग्यअधिकारी डॉ. जमादार यांना संपर्क केला असता त्यांनी लसी उपलब्ध आहेत. आणि लाभार्थी असतील तर त्यांना शेवटीच्या लाभार्थ्यांना लसी संपेपर्यंत दिल्याच पाहिजेत. असे सांगितलेल्यावर अखेर दोन दिवसांपासून सकाळी पाच वाजे पासून आलेल्या जेष्ठ नागरिकांना कोशील्ड लसीकरण करण्यात आले.

यावेळी नागरीक खुप संतप्त झाले होते. मात्र कॉग्रेसचे पदाधिकारी स्वतः मदतीला धाऊन आले व त्यांनी नागरिकांना समजुन सांगत महसूल अधिकारी आरोग्यकर्मचारी यांच्या समन्वयातुन जवळपास चारशेहून अधिक लोकांना लसीकरणाचा लाभ मिळवून दिला.तसेच लसीकरण मोहीमेत जिल्ह्य़ातील वरीष्ठ अधिकाऱ्यांनी स्थानिक पातळीवर जास्तीत जास्त लसीकरण केंद्र सुरु करावे अशी मागणी कॉग्रेसने केली असून आज दिनांक ८ शनिवार रोजी बाहेरपुरा भागातील नगर परिषद च्या दवाखान्यात १८ ते ४४ वर्षे वयाच्या लसीकरणाला सकाळी ९ वाजता सुरू होणार आहे.

तसेच अजुन एक केंद्र भडगाव रोड परिसरातील तालुका वैद्यकीय अधिकारी यांच्या कार्यालयाजवळ तातडीने सुरु करावे अशी मागणी जिल्हाआरोग्य अधिकारी डॉ. जमादार यांच्याकडे कॉग्रेसचे तालुका अध्यक्ष सचिन सोमवंशी यांनी केली आहे. तसेच वॅक्सिन ज्या प्रमाणात उपलब्ध असतील त्याप्रमाणात त्वरित दिल्या जाव्यात अशीही मागणी करण्यात आली आहे.

या लसीकरण मोहीममध्ये परीचारीका ज्योत्स्ना पाटील, भारती देशमुख, विकी, कॉग्रेस सोशल मीडियाचे राहुल शिंदे, कल्पेश येवले, जगदीश पाटील, प्रमोद पाटील आदी उपस्थित होते.