दिलीप जैन.(पाचोरा)
दिनांक~२७/०६/२०२२

आगामी काळात होऊ घातलेल्या जिल्हापरिषद, पंचायत समिती तसेच नगरपालिका निवडणुकीत आपली पकड कायम रहावी म्हणून पाचोरा तालुक्यातील राष्ट्रवादी काँग्रेसने आतापासूनच कंबर कसली असून तशी मोर्चे बांधणी सुरु केली आहे.

याचाच भाग म्हणून पाचोरा तालुक्यातील राष्ट्रवादी काँग्रेसच्या विविध पदांसाठी जबाबदारी सोपवण्याच्या हेतूने राष्ट्रवादी काँग्रेस पार्टीचे जिल्हाध्यक्ष मा. श्री. रविंद्र भैय्या पाटील यांच्या आदेशाने व राष्ट्रवादी कॉंग्रेस पार्टीचे जेष्ट नेते व माजी आमदार मा. श्री. दिलीप भाऊ वाघ यांच्या शिफारशीनुसार पाचोरा राष्ट्रवादी काँग्रेस पार्टीच्या निरीक्षक पदी मा. श्री. भागवत महालपूरे व सहनिरीक्षक पदी मा. श्री. संजय एरंडे यांची सर्वानुमते निवड करण्यात आली आहे.

या दोघेही पदाधिकाऱ्यांना नियुक्ती पत्र देत या पदाधिकाऱ्यांवर आगामी काळात होऊ घातलेल्या जिल्हापरिषद, पंचायत समिती तसेच पाचोरा नगरपालिकेच्या निवडणुकीची जबाबदारी सोपविण्यात आली आहे.

या प्रसंगी राष्ट्रवादी काँग्रेस पार्टीचे मार्गदर्शक नानासाहेब मा. श्री. संजय वाघ तसेच विधानसभा क्षेत्राध्यक्ष नितीन तावडे, जिल्हा उपाध्यक्ष पी. डी.भोसले, ता. अध्यक्ष तथा नगरसेवक विकास पाटील सर, नगरसेवक वासुदेव अण्णा महाजन, नगरसेवक भूषण वाघ, श्री. दत्ता पाटील, विनय बाबा जकातदार, प्रशासक रणजीत पाटील, शहराध्यक्ष अझहर खान, भडगाव शहराध्यक्ष श्याम दादा भोसले, शशिकांत चंदिले, शहर कार्याध्यक्ष विनोद पाटील, युवक शहराध्यक्ष सुदर्शन सोनवणे, हारुण दादा देशमुख, ए. बी. अहिरे सर, अपूर्व थेपडे, संजय सूर्यवंशी, विनोद दांडगे सर, गोपी पाटील आदी पदाधिकारी व कार्यकर्ते उपस्थित होते.