दिलीप जैन.(पाचोरा)
दिनांक~११/०१/२०२२

पाचोरा तालुक्यातील चिंचपूरे ग्रामपंचायतीचे सरपंच, उपसरपंच व सदस्यांनी अतिक्रमण केले असून यांच्या अतिक्रमीत जागेचे मोजमाप करुन अतिक्रमण आढळल्यास त्यांच्यावर अपात्रतेची कारवाई करून त्यांचे सदस्यत्व त्वरीत रद्द करण्यात यावे अशी मागणी चिंचपूरे येथील बाळु भाऊराव पाटील यांनी ०३ सप्टेंबर २०२१ रोजी आपले सरकार सेवा पोर्टलवर तसेच दिनांक ०४ सप्टेंबर २०२१ रोजी निवेदनाद्वारे महाराष्ट्र राज्याचे मा.मुख्यमंत्री यांच्याकडे केली होती.

या तक्रारीची दखल घेत वरिष्ठांचे आदेशानुसार पंचायत समितीचे ग्राम विस्तार अधिकारी मा.श्री. आण्णासाहेब सुरवाडे व चिंचपूरे ग्रामपंचायतीवर कार्यरत असलेले ग्रामसेवक मा.श्री. रोजे आप्पा यांनी बाळु भाऊराव पाटील यांच्या तक्रारीनुसार दिनांक ०६ जानेवारी २०२२ गुरुवार रोजी सरपंच, उपसरपंच व सदस्यांच्या निवासस्थानी व ईतर ठिकाणी येऊन मोजमाप केले आहे. मोजमाप झाल्यापासून वरिष्ठांचा काय निर्णय येतो व अतिक्रमण आढळून आल्यानंतर संबंधीत अधिकारी काय कारवाई करतात याकडे सगळ्यांचे लक्ष लागले असून मोजमाप झाल्यापासून हा एक चर्चेचा विषय ठरत आहे.

सरपंच, उपसरपंच व काही सदस्य अपात्र होण्याची शक्यता ?

चिंचपूरे ग्रामपंचायतीची सदस्य संख्या ९ असून या सगळ्यांच्या विरोधात तक्रार केली असल्याकारणाने या विषयाकडे सगळ्यांचे लक्ष लागले आहे.