जावेद शेख यांचे दुःखद निधन, उद्या सकाळी ९ वाजता अंत्ययात्रा
दिलीप जैन.(पाचोरा)
दिनांक~३०/१२/२०२१
पाचोरा शहरातील बाहेरपुरा भागातील रसूल नगर भागातील शिवसेनेचे अल्पसंख्यांक आघाडी सेलचे माजी जिल्हा उपाध्यक्ष जावेद शेख वय ३४ यांचे आज दुपारी दोन वाजेच्या सुमारास हृदयविकाराच्या तीव्र झटक्याने दुःखद निधन झाले.
त्यांची अंत्ययात्रा उद्या दिनांक ३१ डिसी शुक्रवार रोजी सकाळी ९ वाजता रसुल नगर येथील रहाते घरापासून निघणार असून बाहेरपुरा भागातील नूर मस्जिद मध्ये त्यांचेवर अंत्यसंस्कार होणार आहेत.
पाचोरा शहरातील प्रथम मुस्लिम शिवसैनिक म्हणून त्यांनी स्वतःची ओळख निर्माण केल्याने त्यांना ‘जावेद सेना’ नावाने ख्याती मिळाली होती. आ.किशोर आप्पा पाटील यांचा कट्टर कार्यकर्ता असल्याने त्यांना गत २०१६ मध्ये झालेल्या पालिका निवडणुकीत शिवसेनेचे अधिकृत उमेदवार म्हणून मिळालेल्या उमेदवारी मिळवून त्यांनी चुरशीची लढत दिली होती. त्यांच्या पश्चात पत्नी,आई,वडील, ३ भाऊ बहिणी असा परिवार आहे.
