पाचोरा येथे राष्ट्रवादी काँग्रेस पक्षाचा भव्य कार्यकर्ता मेळावा मोठ्या उत्साहात संपन्न.
दिलीप जैन.(पाचोरा)
दिनांक~०७/०३/२०२२
पाचोरा येथील महालपुरे मंगल कार्यालयत ०७ मार्च २०२२ सोमवार रोजी दुपारी एक वाजता राष्ट्रवादी काँग्रेस पक्षाचे जळगाव जिल्हा पक्षनिरीक्षक मा.श्री. अविनाश आदिक साहेब यांच्या प्रमुख उपस्थितीत व माजी आमदार मा.श्री. दिलीप भाऊ वाघ, गटनेते मा.श्री.संजय वाघ यांच्या मार्गदर्शनाखाली कार्यकर्त्यांचा भव्य मेळावा मोठ्या उत्साहाने संपन्न झाला.
यावेळी मार्गदर्शक मा.श्री. अविनाश अदिक यांनी शेवटच्या क्षणापर्यंत प्रयत्न करा यश हमखास मिळेल, पवार साहेबांचे विचार खेडोपाडी पोचवा आगामी जिल्हापरिषद, पंचायत समिती पंचायत व नगरपालिका निवडणुकीत पक्षाला यश मिळालेच पाहिजे अशी जिद्द बाळगून बुथ निहाय कामाला लागले तर आगामी निवडणुकीत माजी आमदार मा.श्री.दिलीप भिऊ वाघ यांना यश नक्कीच मिळेल अशी अपेक्षा व्यक्त करत तसा आत्मविश्वास आहे असे मत व्यक्त केले. तसेच राष्ट्रवादी जिल्हाध्यक्ष रवींद्र भैय्या पाटील यांनी कार्यकर्त्यांना मार्गदर्शन करतांना सर्वसामान्यांची ताकद दाखवून द्या असे आवाहन केले.
नंतर प्रदेश सरचिटणीस एजाज मलिक, महिला जिल्हाध्यक्षा सौ. वंदना चौधरी, योगेश देसले, सौ. कल्पना पाटील, प्रतिभा पाटील, मझहर खान अरविंद मानकरी माजी आमदार दिलीप वाघ यांनी आपले मनोगत व्यक्त करतांना आजच्या कार्यकर्ता मेळाव्यात आपल्या कार्यकर्त्यांनी मोठ्या संख्येने उपस्थित दिला ही उपस्थिती पाहूनच आपली भविष्यात विजयाची सुरुवात झाली आहे असे कार्यकर्त्यांनी दाखवून दिले असून आपल्य स्वप्नपूर्ती करण्यासाठी कार्यकर्त्यांनी पक्ष बळकटीसाठी जोमाने कामाला लागावे तसेच बरेचसे कार्यकर्ते कामाला लागले असून त्यांचा उत्साह वाखाणण्याजोगा आहे असे मत व्यक्त केले.
आगामी जिल्हापरिषद, पंचायत समिती, व नगरपालिका निवडणुकीच्या पार्श्वभूमीवर राष्ट्रवादी काँग्रेस पक्षातर्फे कार्यकर्त्यांशी हितगुज करण्यासाठी या भव्य कार्यकर्ता मेळावा आयोजन करण्यात आले होते. राष्ट्रवादी काँग्रेस पक्षाचे कार्यकर्ते, नगरसेवक पदाधिकारी तसेच महिला, युवा, व्यापारी, शेतकरी ,आघाडीच्या सर्व पदाधिकारी व फ्रेंडसचे पदाधिकारी कार्यकर्ते या मेळाव्यात मोठ्या संख्येने उपस्थित होते. या मेळाव्यात नगरसेवक मा.श्री.भुषण वाघ यांनी नवीन युवकांची कार्यकारणी व पक्ष बळकटीसाठी तसेच येत्या निवडणूकीसाठी पुढील ध्येयधोरणे व आजपर्यंत केलेल्या कामांची एक पुस्तिका कार्यकर्त्यांना भेट देण्यात आली.
या मेळाव्यात पि.टी.सी. चेअरमन संजय वाघ, डॉ. संजीव पाटील, खलील देशमुख, शालिग्राम मालकर, महिला राष्ट्रवादी पदाधिकारी रेखाबाई, योजना चौधरी, नगरसेविका सुचेता वाघ, ज्योती वाघ, महिला तालुकाध्यक्ष दिशा भोसले, सुलोचना देवरे, सरला पाटील, सुनिता मांडोळे, प्राध्यापक वैशाली बोरकर, सीमा देसले, नाना देवरे, प्रकाश पाटील, नगरसेवक वासुदेव महाजन, रणजीत पाटील, प्रकाश भोसले, प्राध्यापक भागवत मालपुरे, नगरसेवक मोरे, मधुकर पाटील, अरुण देशमुख पंचायत समिती सदस्य ललित वाघ, बशीर काका बागवान, सुदाम वाघ, माणिक पाटील, नगरसेवक वाजिद बागवान, योगेश पाटील, रज्जाक भाई, पिंटू ब्राह्मणे, योगेश महाजन, नगर देवळा येथील कार्यकर्ते तसेच तालुक्यातील सर्व सरपंच, सदस्य, वि.का.सो.चे सदस्य, कार्यकर्ते मोठ्या संख्येने उपस्थित होते.
पक्ष बळकटीसाठी सगळ्यांनी कामाला लागावे असे आवाहन विधानसभा क्षेत्र प्रमुख नितीन तावडे यांनी प्रास्ताविकामध्ये करत आजपर्यंतचा लेखाजोखा कार्यकर्त्यांसमोर मांडला या मेळाव्याचे सुत्रसंचलन तालुकाध्यक्ष मा.श्री. विकास पाटील सर व शहराध्यक्ष अझहर खान यांनी केले. तसेच आभार प्रदर्शन युवकांचे प्रमुख अभिजित पवार यांनी केले. या मेळाव्याचे औचित्य साधून कृष्णापुरी येथील बहूसंख्य कार्यकर्त्यांनी राष्ट्रवादी प्रवेश केला.