पिंपळगाव हरेश्वर पोलिसांचे कुऱ्हाड गावात धाडसत्र. जनतेतून समाधान.
दिलीप जैन.(पाचोरा)
दिनांक~१६/०८/२०२१
काल दिनांक १५ ऑगस्ट रविवारी सत्यजीत न्यूजला
कुऱ्हाड खुर्द व कुऱ्हाड बुद्रुक गावातील अवैधधंदे बंद करा, अन्यथा आंदोलनाचा इशारा.
या शिर्षकाखाली बातमी लागताच पिंपळगाव हरेश्वर पोलिस स्टेशनच्या सहाय्यक पोलीस निरीक्षक सौ.निताजी कायटे यांनी त्यांच्या सहकाऱ्यांना पाठवून अवैधधंदे करणारावर आज धाडसत्र राबवल्याने ग्रामस्थांनी आभार मानले असून असेच धाडसत्र सतत राबवून कुऱ्हाड गावातील सट्टा, पत्ता, जुगार, गावठीदारु व देशी दारु विक्रीचे अवैधधंदे कायमस्वरूपी बंद करावेत अशी अपेक्षा व्यक्त केली आहे.
मात्र कुऱ्हाड गावात पोलिसांचे धाडसत्र येणार असल्याची गुप्त माहिती या अवैधधंदे करणारांना कुणीतरी दिल्यामुळे पोलिसांना खाली हात परतावे लागले असे खात्रीशीर समजते.
म्हणून पोलिसांनी अश्या झारीतलया शुक्राचार्याचा शोध घेऊन सावधानता बाळगत कारवाईची मोहीम सुरुच ठेवावी असे मत सुज्ञनागरीकांनी व्यक्त केले आहे.
तसेच अवैधधंदे करणाऱ्या इसमाच्या घराची झाडाझडती घेतल्यानंतर संबंधित अड्डे मालकाने पोलिसांना व गावातील अवैधधंदे बद करण्यासाठी प्रयत्न करणारांना अर्वाच्य भाषेत शिवीगाळ करुन आपला राग व्यक्त केल्याचे समजते.
