दिनेश पाटील.(शेंदुर्णी)
दिनांक~११/०४/२०२२

आज सोमवार रोजी कवयित्री बहिणाबाई चौधरी उत्तर महाराष्ट्र विद्यापीठीय व महाविद्यालयीन अध्यापक संघटना (एन. मुक्टो) च्या गरुड महाविद्यालय शेंदूर्णी शाखेची नूतन कार्यकारिणी नुकतीच गठित करण्यात आली. धी शेंदूर्णी सेकं.एज्यु.को-ऑप सोसायटी संचलित अप्पासाहेब र. भा. गरुड कला, वाणिज्य व विज्ञान महाविद्यालयात एन. मुक्टोच्या शेंदूर्णी शाखेच्या सर्व सभासदांची सहविचार सभा व नूतन निवडणूक प्रक्रिया आयोजित करण्यात आली होती.

या सभेत सर्वानुमते शैक्षणिक वर्ष २०२२-२३ व २०२३-२४ अशा दोन वर्षांसाठी नवीन पदाधिकार्‍यांची निवड करण्यात आली.
या निवडणुक प्रक्रियेत स्थानिक शाखा अध्यक्ष म्हणून डॉ. दिनेश प्रकाश पाटील, उपाध्यक्ष डॉ. आर. डी. गवारे, सचिव डॉ. सुजाता सी. पाटील, सह-सचिव श्री. धम्मा धारगावे, कोषाध्यक्ष डॉ. वसंत एन. पतंगे, अंतर्गत हिशेब तपासणीस डॉ. महेश आर.पाटील, जिल्हा कार्यकारिणी प्रतिनिधी प्रा. डॉ. श्याम साळुंखे, केंद्रीय कार्यकारिणी प्रतिनिधी प्रा. डॉ. संजय भोळे, महिला प्रतिनिधी म्हणून डॉ. योगिता चौधरी यांची एकमताने व बिनविरोध निवड करण्यात आली तसेच प्रा. डॉ. प्रशांत देशमुख, प्रा. एन. एस. सावळे यांची सदस्य म्हणून निवड करण्यात आली.

या निवडणूक प्रक्रियेचे कामकाज निवडणूक अधिकारी म्हणून जेष्ठ मार्गदर्शक प्रा. एन. एस. सावळे यांनी काम पाहिले. सहविचार सभेत नूतन कार्यकारिणीच्या अभिनंदनाचा ठराव पारित करण्यात आला. नूतन कार्यकारिणीने प्राध्यापकांच्या हक्क व न्यायासाठी, तसेच विविध प्रश्नांच्या सोडवणुकीसाठी संघटना नेहमी पाठीशी खंबीरपणे उभी राहील असे आश्वासन दिले. एन. मुक्टो संघटनेचे केंद्रीय अध्यक्ष प्रा. डॉ. अनिल पाटील, केंद्रीय सचिव प्रा. डॉ. जितेंद्र तलवारे, जळगाव जिल्हा अध्यक्ष प्रा.नितीन बाविस्कर व जळगाव जिल्हा सचिव प्रा. मुकेश चौधरी यांच्या मार्गदर्शनाखाली ही निवड करण्यात आली.