दिलीप जैन.(पाचोरा)
दिनांक~२१/०३/२०२२

पाचोरा तालुका सहकारी औद्योगिक वसाहतीची निवडणूक आज दिनांक २१ मार्च २०२२ सोमवार रोजी संस्थेच्या कार्यालयात घेण्यात आली. या निवडणुकीत चेअरमन पदासाठी मा.श्री.एकनाथ रतन तावडे व व्हाईस चेअरमन पदासाठी मा.श्री.मुकेश अग्रवाल यांची बिनविरोध निवड करण्यात आली आहे.

कारण या निवडणुकीत चेअरमन व व्हाईस चेअरमन पदासाठी प्रत्येकी एक, एकच अर्ज असल्याने निवडणूक अधिकारी मा. श्री. व्हि. एम. जगताप यांनी चेअरमन पदासाठी मा. श्री. एकनाथ रतन तावडे तर व्हाईस चेअरमन पदासाठी मा.श्री.मुकेश अग्रवाल यांची बिनविरोध निवड घोषित केली.

या संस्थेच्या निवडणुकीत मा. श्री. पुनमचंद रामानंद मोर मा.श्री. डी.एम.पाटील, मा.श्री.सचिन कोठावदे, मा.श्री.उमेश राका, मा.श्री.रवींद्र देवरे हे कारखानदार पाचोरा तालुका सहकारी औद्योगिक वसाहतीच्या निवडणूक बिनविरोध निवडून आलेले असून महिला मतदार संघातून सौ. रेखा ताई मथुरवैश्य, श्रीमती लता ताई जैन, मा. श्री.विक्रांत पेंढारकर हे राखीव मतदारसंघातून बिनविरोध निवडून आले आहेत.

इतर मागासवर्गीय मतदारसंघासाठी निवडणूक झाली असता मा. श्री. भूषण दिलीप वाघ हे मोठ्या फरकाने निवडून आलेले आहेत. वरील पदाधिकार्‍यांच्या निवडी बद्दल पाचोरा तालुक्याचे माजी आमदार मा.श्री. दिलीप भाऊ वाघ आमदार मा.श्री. किशोर आप्पा पाटील, मा. श्री. नानासो संजय वाघ, राष्ट्रवादीचे विधानसभा क्षेत्राध्यक्ष मा.श्री. नितीन तावडे तालुकाध्यक्ष मा.श्री. विकास पाटील  सहकारी औद्योगिक संस्थेचे सर्व सदस्य संचालक व पदाधिकाऱ्यांनी नव्यानेच निवडून आलेल्या पदाधिकाऱ्यांचे अभिनंदन केले आहे.