दिलीप जैन.(जळगाव)
दिनांक~२७/०९/२०२१

जळगाव जिल्ह्यात पंचायत राज समीतीचा दौरा आहे. दरम्यान लोकांच्या तक्रारी येतच आहेत. परंतु आतापर्यंत घेतलेल्या तक्रारीवर कोणतीच कारवाई झाली नसल्याने आता लोकांचा विश्वास राहिलेला नाही.

तरीही आपले आमदार मा.किशोर आप्पा पाटील त्या समीतीत असल्या कारणाने थोडा विश्वास वाढला असून जळगाव जिल्हा जागृत जनमंचने आपल्या तक्रारी आमदार किशोर पाटील यांच्या माध्यमातून मांडल्या आहेत.

सोमवारी सकाळी १०-३० ते ११-३० वाजेच्या दरम्यान आमदार महोदयांनी जळगाव येथील मोरोक्को हॉटेलमध्ये जिल्हा जागृत जनमंचची बैठक घेतली. कारण की आमदार किशोर आप्पा पाटील यांना विशेष आमंत्रण देऊन बोलवण्यात आले होते. याप्रसंगी किशोर आप्पा पाटील यांची उपस्थिती झाल्यानंतर प्रथम शिवराम पाटील यांच्या हस्ते त्यांचा सत्कार करण्यात आला. नंतर जिल्ह्यातील आलेल्या अनेक तक्रारी ऐकून व समजून घेत त्या तक्रारींचे निरसन करण्याची जबाबदारी किशोर आप्पा पाटील यांनी घेतली आहे.

धरणगाव तालुक्यातील नांदेड येथे घरकुलासाठी जिल्हाधिकारी यांनी जमीन देऊन आठ महिने झाले आहेत. तरीही धरणगावच्या गटविकास अधिकारी स्नेहा कुडचे यांनी लेआऊट बनवून लाभार्थ्यांना प्लॉट दिलेले नाहीत. पालकमंत्री गुलाबराव पाटलांच्या मतदारसंघातील हे प्रकरण असूनही गरीबांना घरकुल देण्यात गुलाबराव पाटील मदत करीत नाहीत. त्यामुळे गुलाबराव पाटलांच्या कार्यपद्धतीवर शंका घेतली जात आहे. म्हणून मुद्दाम शिवसेनेचे आमदार किशोर पाटील यांचेकडे तक्रार करण्यात आली आहे.

जळगाव सिव्हिल हॉस्पिटलमधील व्हेंटिलेटर व कॉन्सेन्ट्रेटर खरेदी मधे साडेतीन कोटीचा अपहार उघड झाला. तेथेही पालकमंत्री जबाबदार असल्याने हे प्रकरण मुद्दाम शिवसेनेचे आमदार मा.किशोर पाटील यांचेकडे सोपवले. शिवसेनेचे आमदार मा.चिमणराव पाटील यांनी डीपीडीसी मिटींग मध्ये हरकत घेतल्याने गुलाबराव पाटील नाराज झाले असून त्यांना घरचा आहेर मिळाल्याने त्यांच्यावर संशयास्पद अंगुलीनिर्देश होत आहे.

पालकमंत्री हे डिपीडिसीचे अध्यक्ष असतात. डिपीडिसीच्या निधीतून व्हेंटिलेटर व कॉन्सेन्ट्रेटर खरेदी केले आहेत.म्हणून पालकमंत्री अडचणीत येण्याची शक्यताही वर्तवण्यात येत आहे.
पालकमंत्री हेच संशयाच्या भोवऱ्यात येत असल्याने पंचायत राज समीती त्यांचेविरोधात तक्रार घेतील का ? घेतली तर कारवाई करतील का ? याबाबत शंका आहे.

पारोळा तालुक्यातील मुंदडा येथे २०१७ मध्ये २ लाख रुपयाचा अपहार सरपंच व ग्रामसेवक यांनी केला असून तसे चौकशीतून आरोप सिद्ध झाला असल्यावरही गुन्हा दाखल करण्याचे आदेश सीईओने गटविकास अधिकारी यांना दिले.तरीही कारवाई झाली नाही. याचीही तक्रार आमदार किशोर पाटलांना देण्यात आली.

पाचोरा तालुक्यातील आरटीई शाळांसाठी केंद्र सरकार कडून राज्य सरकार व राज्य सरकार कडून जळगाव जिल्हा परिषदेत आलेले आहे.शिक्षणाधिकारी अडवणुक करीत आहेत. तशी तक्रार आमदार किशोर पाटील यांचेकडे देण्यात आली.

जळगाव जिल्ह्यातील जिल्हापरिषद ठप्प झालेली आहे.म्हणून जिल्हापरिषद कर्मचाऱ्यांकडून वर्गणी जमा करून पंचायत राज समीतीला खुष करण्याचे प्रकार उघडकीस येत आहेत. याचीही तक्रार आमदार किशोर पाटील यांच्याकडे करण्यात आली.

जळगाव जिल्हा जागृत जनमंच तर्फे आमदार महोदयांचा सत्कार करण्यात आला. जळगाव जिल्हाचे नेतृत्व आपण स्विकारावे अशी गळ आप्पांना घालण्यात आली.जळगाव जिल्हाचे पालकमंत्री म्हणून आमदार किशोर पाटलांची नेमणूक करावी. यासाठी आमदार महोदयांना ग्रामविकास खाते सोपवण्यात यावे.अशी मागणी जळगाव जिल्हा जागृत जनमंच करणार आहे.ग्रामविकासमंत्री मा.हसन मुश्रीफ यांचेवर इडीची कारवाई होऊ शकते.त्यांचे मंत्रीपद जाऊ शकते.म्हणून ते खाते आमदार किशोर पाटील यांचेकडे सोपवले जावे.अशी जिल्ह्यातील नागरिकांची मागणी आहे.

या बैठकीत सुरज पांडे, डॉ सुभाष राणे, ईश्वर मोरे, दिपककुमार गुप्ता, अनिल नाटेकर, अमोल कोल्हे, राकेश वाघ,प्रफुल्ल पाटील, गुरूनाथ सैंदाणे,निलकंठ पाटील ,प्रेम शामलानी व त्यांचे सहकारी हजर होते.विवेक ठाकरे यांनी आमदार महोदयांचा सत्कार करून तक्रार सोपवली.ईश्वर मोरे यांनी आभारप्रदर्शन केले.

….शिवराम पाटील.
९२७९९६३१२२
जळगाव जिल्हा जागृत जनमंच.