दिलीप जैन.(पाचोरा)
दिनांक~०१/०५/२०२१

सध्या कोरोनाचा वाढता प्रादुर्भाव लक्षात घेता तळीरामांची तलफ भागावी व सामाजिक अंतर राखले जावे म्हणून शासनाने सिलबंद बाटलीतून घरपोच मद्द विक्री करण्यासाठी परवानगी दिली असून ही दारु विक्री कशी व कोणत्या वेळात कोणत्या अटी व नियमांचे पालन करुन करण्यात यावी या करिता माननीय जिल्हाधिकारी जळगाव यांनी कडक नियमावली जाहीर केली आहे.
https://youtu.be/iZ_-9GP5Zzk
परंतु पाचोरा तालुक्यातील पिंपळगाव हरेश्वर येथील रुद्रेश्वर नगर परिसरातील मान्यताप्राप्त देशीदारुच्या दुकानातून शासनाच्या व मा.जिल्हाधिकारी यांच्या आदेशाला केराची टोपली दाखवत थेट देशीदारुच्या दुकान परिसरात तसेच थेट दुकानात बसवून दारु विक्री होतांना व दारुचे शौकीन दारु पितांनाचा व्हिडीओ सत्यजित न्यूज कडे पाठवून ही नियमबाह्य सुरु असलेली दारुविक्री बंद करण्यात यावी अशी मागणी सुज्ञनागरीक व महिलांनी केली आहे.

याबाबत तक्रारदारांनी तोंड दिलेली सविस्तर माहिती अशी की पिंपळगाव हरेश्वर येथील शासनमान्य सुरु असलेले देशीदारुचे दुकान हे शासनाच्या नियमांची पायमल्ली करत असून कोरोनासारख्या महामारीच्या कालावधीतही दिवसाढवळ्या सुरु असल्याने या परिसत भररस्त्यावर तळीरामांची जत्रा भरलेली असते.

याठिकाणी दारु पिणारे भररस्त्यात व भररस्त्यावर घोळका करून दारू पित बसतात. तसेच मोठमोठ्याने बोलून धिंगाणा घालतात. या प्रकाराने या परिसरातील रहिवाशांना खुपच त्रास सहन करावा लागतो तसेच याच देशीदारुच्या दुकानासमोरुन वरसाडे, निंबायती, शेत शिवारात जाण्यासाठी व माध्यमिक विद्यालय असल्याने या रस्त्यावर मोठ्या प्रमाणात वर्दळ असते. मुख वाहतूकीचा रस्ता असल्याने या रस्त्यावरून महिला, मुली तसेच शेतात जाणाऱ्या मजुरांची सतत वर्दळ असते त्यांनाही या दारुड्यांचा त्रास होतो. याबाबत कुणीही आवाज उठवण्याचा प्रयत्न केल्यास स्वताला प्रतिष्ठित समजून घेणारे काही स्थानिक पाठीराखे व काही गुंड लोकांना हातचे धरून तक्रारदारांना दमदाटी करण्यात येते.

तसेच या देशीदारुच्या दुकानापासून फक्त दोनशे मिटर अंतरावर कालींका माता मंदिर व माळी मंगल कार्यालयात असून जुनी लोकवस्ती असल्याने भरवस्तीत व रहदारीच्या या परिसरात देशीदारुच्या दुकानाला परवानगी मिळालीच कशी हा गहन विषय असून याबाबत चौकशी होऊन हे देशीदारुचे दुकान हटवण्याची मागणी होत आहे.

जनमानसातून मिळालेल्या माहितीनुसार या देशीदारुच्या दुकानाची परवानगी घेतांना ग्रामपंचायतीकडून ना हरकत दाखला मिळवण्यासाठी दिलेला जागेचा उतारा हा वरसाडे रस्त्यालगतच्या जागेचा असून हे देशीदारुचे कागदोपत्री वरसाडे रस्त्यावर आहे. मात्र आजच्या परिस्थितीत प्रत्यक्षात हे दुकान भरवस्तीत ग्रामपंचायतीच्या मालकीच्या गावठाण जागेवर सुरु असल्याने या परिसरातील रहिवाशांना व पंचक्रोशीतील जनतेला नहाकच त्रास सहन करावा लागत असून या देशीदारुच्या दुकानाची सखोल चौकशी होऊन हे दुकान गावाबाहेर हलवण्यात यावे अशी मागणी होत आहे.