दिलीप जैन.(पाचोरा)
दिनांक~०८/०२/२०२२

पाचोरा तालुक्यात एक धक्कादायक प्रकार घडला असून यात मामेभावानेच एका १९ वर्षीय तरुणीला लॉजवर नेऊन तिच्यासोबत शारीरीक संबंध करतांंनाचा व्हिडीओ स्वताच्या मोबाईलमध्ये तयार करून तो व्हिडीओ व्हाट्सएपवर व्हायरल केल्याची खळबळजनक व तेवढीच धक्कादायक घटना समोर आली आहे. याबाबत पीडित तरुणीच्या मामेभावासह तिघांविरुद्ध गुन्हा दाखल करण्यात आला आहे.

काय आहे घटना?

पीडित तरुणीच्या दिलेल्या फिर्यादीनुसार, पीडितेच्या मामेभावाने गोड बोलून कधी तिला घरी नेऊन तर कधी फर्दापूर येथील लॉजवर नेऊन बळजबरीने तिच्याशी शारिरीक संबंध प्रस्थापित केले. फर्दापूर येथील लॉजवर शारीरक संबंध करतांंनाचा व्हिडिओ स्वतःच्या मोबाइलमध्ये तयार केला. एवढेच नव्हे तर, तो व्हीडिओ सर्व मित्र परिवाराच्या व्हॉट्सऍप ग्रुपवर व्हायरल केला. या गोष्टीची चर्चा होऊ लागताच पीडित तरुणीच्या नातेवाईकांनी तिच्या मामेभावाच्या आई-वडिलांकडे या सगळ्याचा जाब विचारला. त्यावर त्यांनी पीडित तरुणीला जीवे मारण्याची धमकी दिली.

या प्रकरणी एका महिलेसह तिघांविरुद्ध पिंपळगाव हरेश्वर पोलीस ठाण्यात भादवि कलम ३७६ (२) (एफ) (एन),३५४ (ए) (आय),५०६ व माहिती तंत्रज्ञान अधिनियम २००० मधील ६१ अ नुसार गुन्हा दाखल करण्यात आला आहे. या प्रकरणी पुढील तपास पोलीस निरीक्षक किसन लक्ष्मणराव नजन पाटील हे करीत आहेत.