दिलीप जैन.(पाचोरा)
दिनांक~२२/०१/२०२२

केंद्रीय मंत्री मा.श्री. रावसाहेब दानवे हे कन्नड विधानसभा मतदार संघात एका कार्यक्रमासाठी आले असतांना त्यांनी पाचोरा तालुक्यातील वडगावकडे येथे धावती भेट देऊन जिल्हापरिषद सदस्य मा.श्री. मधुकर काटे व कार्यकर्त्यांशी संवाद साधला अर्धातास त्यांनी गावात कार्यकर्त्यांशी व गावकऱ्यांशी चर्चा करून विकास कामांबाबत माहीती जाणून घेतली. केंद्रीय मंत्री आपल्या कार्यकर्त्यांच्या भेटीसाठी आकस्मिक एका छोट्याशा गावात येऊन संवाद साधला म्हणून वडगाव कडे गावात आनंदमय वातावरण तयार झाले होते.

वडगावकडे नजिकच असलेल्या बनोटी येथे केंद्रीय मंत्री मा.श्री. रावसाहेब दानवे कार्यक्रमासाठी आले होते. कार्यकर्त्यांसोबत चर्चा करून तेथुन त्यांचा ताफा वडगावकडे या गावात आल्यानंतर जिल्हापरिषद सदस्य मा.श्री. मधुकर काटे यांनी त्यांचा सत्कार केला. नंतर मा.श्री. मधुकर काटे यांच्या निवासस्थानी त्यांनी कार्यकर्त्यांशी संवाद साधून अडीअडचणी समजून घेतल्या तसेच आगामी जिल्हापरिषद निवङणूकांसह जिंल्ह्यातील पक्षातील संघटनात्मक आढावा जाणून घेतला.

यावेळी ईद्रीस मुलताने, सुरेश बनकर, पिंपळगाव हरेश्वरचे परेश पाटील, वडगावकडेचे सरपंच मच्छिंद्र तडवी, उपसरपंच विकास पाटील, गजानन पाटील, पो.पाटील सुनील पाटील, आर.के.पाटील यांच्यासह असंख्य ग्रामस्थ उपस्थित होते.