कुरंगी शिवारात बिबट्याच्या हल्ल्यात निलगाय ठार, शेतकऱ्यांमध्ये भितीचे वातावरण.
दिलीप जैन.(पाचोरा)
दिनांक~२१/०१/२०२२
पाचोरा तालुक्यातील कुरंगी येथील सोनटेक शिवारात बिबट्या आढळून आला असून या बिबट्याने हल्ला चढवून एक निलगाय ठार केली असल्याचे खात्रीलायक वृत्त असून याच शिवारात श्याम बाजीराव पाटील या शेतकऱ्याच्या पाठिमागे लागून बिबट्या त्यांच्यावर हल्ला चढवण्याच्या प्रयत्नात होता, परंतु प्रसंग सावधानता राखत श्याम पाटील यांनी तेथून पळ काढल्यामुळे ते बिबट्यापासून आपला जीव वाचवू शकले. हा बिबट्या याच शिवारातील रामचंद्र दादा धनगर यांच्या शेतापुढील श्याम बाजीराव पाटील यांच्या मक्याच्या शेतात बिबट्या अद्यापही लपून बसला असावा असा अंदाज वर्तवला जात आहे.
याबाबत घटनेबाबत सविस्तर माहिती वनविभागाला कळवण्यात आल्यानंतर ते लवकरच बिबट्याने ज्या ठिकाणी निलगाय ठार केली आहे त्या ठिकाणी भेट देऊन पहाणी करणार असून बिबट्याचा बंदोबस्त करण्यासाठी प्रयत्न करणार आहेत. परंतु तोपर्यंत शेतकऱ्यांनी आपली व आपल्या पाळीव जनावरांची काळजी घ्यावी असे अवाहन वनविभागाने केले आहे.
