वावडदा(प्रतिनिधी)
दिनांक~३१/०७/२०२१
_
जळगाव तालुक्यातील वावडदासह परिसरामधील अनेक गावांमध्ये सट्टा, पत्ता, रेती हे अवैधधंदे राजरोसपणे सुरु असून या व्यवसाईकावर कुठलाही ठोस कारवाई होत नसल्याने दिवसागणिक अवैधधंदे करणारांची संख्या व हिंम्मत वाढतांना दिसून येते. या व्यवसाईकावर कोणाचा आशिर्वाद आहे हे मोठे कोडे असून या अवैधधंदे करणारांकडे पोलिसांचे जाणीवपूर्वक दुर्लक्ष होत असल्याचा आरोप होत आहे.

वावडदासह वडली, म्हसावद, पाथरी, वराड, जळके, विटनेर, शिरसोली भागात गेल्या ३ वर्षांपासून सट्टा पूर्णपणे बंद होता. परंतु, आता हा अवैध धंदा मोठ्या जोमाने सुरू आहे. या गैरप्रकाराच्या आहरी गेलेल्या गरीबांचे मोठे नुकसान होतेय. आशेपोटी हातमजुरी करणारे लोक या सट्ट्यकडे वळत आहेत. दररोज २०० रुपये रोजाने काम करणारे गोरगरीब व त्याच्या संसाराचे वाटोळे होत आहे. या प्रकारांमुळे गुन्हेगारी जास्त वाढतेय. या भागातील सट्टा पत्ता. अवैध रेती वाहतुक त्वरित बंद करण्याची मागणी होत आहे.
म्हसावद गिरणा नदी.कुळकुळ नाला तुन अवैध रेती उपसा चालु आहे या परिसरितील तलाठी व तहसिलदारांना अनेक वेळा निवेदन देऊन ही कारवाई होत नसल्याने या परिसरातील महिला व सुज्ञनागरीकांनी तीव्र आंदोलन करण्याचा इशारा दिला आहे.