दिलीप जैन.(पाचोरा)
दिनांक~०१/०७/२०२१

कृषी दिनाच्या निमित्ताने पाचोरा काँग्रेसतर्फे शेतकऱ्यांच्या बांधावर जाऊन जगाचा पोशिंदा असलेल्या शेतकरी राजाचा सन्मान करण्यात आला. महाराष्ट्रात कृषि दिन साजरा होत असतानां शेतकऱ्यांचे नेते काँग्रेस प्रदेशाध्यक्ष कॉग्रेस प्रदेशाध्यक्ष आमदार नाना पाठवले यांच्या प्रेरणेतून पाचोरा कॉग्रेसने हा दिवस आगळ्यावेगळ्या पद्धतीने साजरा केला.

पाचोरा कॉग्रेसचे पदाधिकारी भरपावसात शेतकऱ्यांच्या बांधावर गेले आणि तेथे शेतकऱ्यांना टोपी बागायतदार रुमाल मास्क सह बांधावर लावण्यासाठी झाडे देऊन शेतकऱ्यांना सन्मान केला. यावेळी तालुका अध्यक्ष सचिन सोमवंशी, शहर अध्यक्ष अॅड. अमजद पठाण, तालुका सरचिटणीस प्रताप पाटील, जिल्हा अल्पसंख्यक उपाध्यक्ष इरफान मनियार, महीला तालुका अध्यक्षा अॅड. मनिषा पवार, जिल्हा उपाध्यक्षा संगिता नेवे, सोशल मीडिया विधानसभा अध्यक्ष राहुल शिंदे, दिपक सोनवणे, समाधान ठाकरे, शेतकरी संदीप पाटील, लक्ष्मण पाटील, मदन देवरे, आदी उपस्थितीत होते. कॉग्रेस चे पदाधिकारी शेतकऱ्यांच्या सन्मानासाठी बांधावर गेले तेव्हा सन्मान झाल्यावर शेतकरी भाऊक झाले होते. कारण अश्याप्रकारे पहील्यांदा सन्मान होत आहे असे शेतकऱ्यांनी सांगितले.
जय जवान जय किसानसह कॉग्रेस जिंदाबादच्या घोषणा देण्यात आल्या. कार्यक्रमासाठी सर्व फ्रंटल चे पदाधिकारी उपस्थितीत होते. कॉग्रेस च्या कार्यक्रमाची चर्चा परीसरात होती.