दिलीप जैन.(पाचोरा)
दिनांक~०६/०६/२०२१

पाचोरा शहरात बाहेरपुरा भागात दिनांक ०५ जून शनिवारी अकरावाजेच्या सुमारास मतिन रज्जाक बागवान यांना एक चार वर्षाचे बालक बेवारस मिळुन आले होते. मतीन बागवान यांनी या बालकाला वीचारपूस केली मात्र ते काहीच बोलत नव्हते व ते अनोळखी वाटल्याने क्षणाचाही विलंब न करता मतीन बागवान यांनी पाचोरा पोलिसांना ही माहिती दिली.

माहिती मिळताच पाचोरा पोलिस स्टेशनचे पोलीस निरीक्षक मा.श्री.किसनराव नजन पाटील यांनी परीस्थीतीचे गांभीर्य लक्षात घेवुन पोलिस उपनिरीक्षक गणेश चौबे, पोलिस उपनिरीक्षक दत्तातय नलावडे, सहाय्यक पोलिस निरीक्षक राहुल मोरे, पोलिस काॅन्स्टेबल किरण पाटील, पोलीस नाईक राहुल बेहरे, किशोर पाटील, महिला पोलिस शारदा भावसार अशा पथकास बालकाचे पालकांचा शोध घेणे कामी तात्काळ रवाना केले.

वरील पथकाने मिळुन आलेल्या बालकास ताब्यात घेवुन पाचोरा शहरात त्याचे पालकांचा शोध घेतला. पोलिस पथकाच्या शोध मोहीमे दरम्यान हरवलेला बालक हा शेख रहीस शेख बशीर रा. पाचोरा ता. पाचोरा जि. जळगाव यांचा मुलगा असल्याचे उघड झाले. सदर मिळुन आलेल्या मुलाचे नाव हस्नान शेख रईस (वय – ४) असे सिद्ध झाल्यावर पाचोरा पोलीसांनी वरील मुलाचे पालकास पाचोरा पोलीस स्टेशन येथे बोलावुन हस्नान शेख रईस यास त्यांचे ताब्यात सुखरुप सोपविले.

ईकडे मुल सापडत नाही म्हणून शोधाशोध करत आपला मुलगा कुठे असेल या विचारांनी आईच्या डोळ्यातून अश्रू वाहत होते. परंतु पाचोरा पोलिसांनी आपला मुलगा सुखरूप घरी आणल्याचे पाहून काही तासापूर्वी मुलगा सापडत नसल्याने मुलाच्या आईच्या डोळ्यातून सतत वाहणाऱ्या दुखाच्या अश्रूचे रुपांतर आनंदाश्रूत झाले.

(पाचोरा पोलिसांच्या या कामगिरीचे सर्वञ कौतुक केले जात आहे.)