दिलीप जैन.(पाचोरा)
दिनांक~१०/०५/२०२१

जळगाव जिल्ह्याचे पोलिस अधीक्षक मा.श्री. प्रविणजी मुंडे साहेब यांच्या आदेशानुसार, पाचोराचे डी.वा.यए.सपी.मा.श्री. भरतजी काकडे साहेब यांच्या मार्गदर्शनाखाली पिंपळगाव हरेश्वर पोलिस स्टेशनचे पी आय.मा.श्री. लीलाधर कानडे यांनी आज सायंकाळी पाच वाजेपासून रात्री साडेआठ वाजे पर्यंत पाचोरा जामनेर रस्त्यावर वरखेडी गावाजवळ नाकाबंदी करत तोंडाला मास्क न लावता फिरणाऱ्या ०७ जणांवर तसेच हेल्मेट न वापरणाऱ्या १५० दुचाकीस्वारांवर दंडात्मक कारवाई केली.तसेच फोर व्हिलर वाहन चालवतांना सिट बेल्ट न वापरणाऱ्यांवर व मालवाहतूक करणाऱ्या वाहनांची तपासणी केली.

या अचानक झालेल्या कारवाईमुळे पंचक्रोशीतील जनतेतून समाधान व्यक्त करण्यात येत असून अश्या कारवाया सातत्याने होणे गरजेचे आहे असे मत व्यक्त केले. कारण बरेचसे वाहनधारक वाहतूकीचे कोणतेही नियम पाळत नसून भरधाव वेगाने वाहने पळवतात तसेच अल्पवयीन मुलेही वाहने चालवतात याला पायबंद बसेल व अपघाताचे प्रमाण कमी होईल अशी अपेक्षा व्यक्त केली.

या कारवाईत पी.एस.आय.मा.श्री.डीगंबर थोरात, पो.हे.कॉ. मा.श्री.रणजित पाटील, मा.श्री.विजय माळी.मा.श्री.अरुण राजपूत,मा.श्री.संदीप राजपूत व मा.श्री. दिपक पाटील. यांनी अथक परिश्रम घेतले.