दिलीप जैन.(पाचोरा)
दिनांक~१८/०४/२०२१

कुऱ्हाड बुद्रुक येथे घराघरातून कोरोना (टेस्टिंग) चाचणी व्हावी (ग्रामस्थांची मागणी)

(या बातमीची आमदार महाजनांनी घेतली दखल.)
पाचोरा तालुक्यातील कुऱ्हाड खुर्द व कुऱ्हाड बुद्रुक येथे दिवसेंदिवस कोरोनाचा प्रादुर्भाव वाढत असून आजपर्यंत दोघेही गावातुन जवळपास सात कोरोना बाधितांचा मृत्यू झाला असून बरेच कोरोनाबाधीत ठणठणीत होऊन कोरोनामुक्त झाले आहेत.

मात्र अजूनही सक्रिय संशयित रुग्ण असल्याचे आढळून आले असल्याने कोरोनाचा वाढता प्रादुर्भाव बघून ग्रामस्थांमध्ये भितीचे वातावरण निर्माण झाले होते. याची दखल घेत कुऱ्हाड बुद्रुकचे माजी सरपंच किरण पाटील यांनी सत्यजित न्यूजशी संपर्क साधून संपूर्ण गावातील ग्रामस्थांची टेस्ट व्हावी अशी मागणी केली होती.

त्या अनुशंगाने दिनांक १७ एप्रिल शनिवारी सत्यजित न्युजला तशी बातमी आल्यानंतर माजी मंत्री व जामनेर तालुक्याचे आमदार मा.श्री. गिरीषभाऊ महाजन यांनी याची दखल घेत त्यांचे सहाय्यक अरविंद देशमुख यांच्या सोबत शासकीय टीम पाठवून कुऱ्हाड बुद्रुक येथील ग्रामस्थांची व महिलांची टेस्ट करुन घेतली.

यावेळी सत्तर लोकांची तपासणी करण्यात आली पैकी ०९ लोकांना कोरोना टेस्ट पॉझिटिव्ह आली तसेच काल दिनांक १७ एप्रिल शुक्रवारी शासकीय टीमने पन्नास लोकांची टेस्ट केली होती त्यात आठ पॉझिटिव्ह निघाले होते.

या सर्व पॉझिटिव्ह आलेल्या रुग्णांना त्यांच्या इच्छेप्रमाणे कोविड सेंटरला पाठवण्यात आले तर काहींनी स्वतःला होम कॉरंटाईन करून घेत काही शेतात वास्तव्यासाठी रहायला गेल्याने तसेच गावात हायड्रोक्लोरिकची फवारणी करुन ग्रामस्थांना योग्य मार्गदर्शक सुचना करण्यात आल्या

मात्र गावात घराघरातून रॅपिड टेस्ट करण्यात येणार असल्याचे माहित पडताच एकुण ग्रामस्थांपैकी जवळपास ३५’/, लोकांनी गावातून पलायन करून टेस्ट करण्यासाठी विरोध दर्शविला असल्याने गावातील सुज्ञनागरीकांनी नाराजी व्यक्त करत ज्यांनी रॅपिड टेस्ट केली नसेल अश्या कुटुंबातील सदस्यांना रेशनिंगचे धान्य बंद करण्यात यावे अशी मागणी केली आहे.

या रॅपिड टेस्टिंग करण्यासाठी पाचोरा तालुक्याचे वैद्यकीय अधिकारी मा.श्री. समाधान वाघ, लोहारा प्राथमिक आरोग्य केंद्राचे वैद्यकीय अधिकारी मा.श्री. देवेंद्र पाटील. यांनी अथक परिश्रम घेतले तर माजी सरपंच श्री. किरण पाटील, पवन पाटील, सचिन पाटील, अजय पाटील, रोशन देशमुख, शिवप्रसाद पाटील, उमेश पाटील, ग्रामसेवक मा.श्री. विकास पाटील. यांचे विशेष सहकार्य लाभले.