पाचोर्‍यातील आठवडे बाजार म्हणजे मौत का कुआ.
दिलीप जैन.(पाचोरा)
दिनांक~०६/११/२०२१
पाचोरा शहरातील रेल्वे भुयारी मार्गाचा प्रश्न गाजत असतांनाच अजून दुसरीकडे आठवडे बाजारातील अनेक समस्या जनतेला भेडसावणाऱ्या आहेत कारण आठवडे बाजार म्हटला म्हणजे प्रत्येक शनिवारी बाजार असल्याने याठिकाणी यात्रेचे स्वरूप दिसून येते.
अर्थात सध्याच्या प्रगत युगात व स्पर्धेतील व्यवसायीक युगात आज दररोज नवनवीन मार्केट उभारले जात असले तरी आजही पाचोरा शहर लगत असलेला खेडे आणि आठवडे बाजार लगत असलेली हिदु- मुस्लीम- दलीत वर्गातील मजुरांमुळे पाचोरा शहरासह आठवडे बाजार संस्कृती आजही जिवंत आहे. याला कारणही तसेच आहे प्रत्येक शनिवारी मजुर वर्गाची आठवड्याची मुजुरी हाती पड़ताच हा मजुर वर्ग आठवडे बाजाराकडे दैनदीन गरजु वस्तु खरेदीसाठी धाव घेत असतो.
परंतु या आठवडे बाजार परिसरा बाबत मात्र कोट्यावधी रुपयांच्या भुयारी गटारी व विकास कामाचा डंका वाजवणाऱ्या नगरपालिका प्रशासनाने व सत्ताधार्‍यांनी धृतराष्ट्रची भुमीका घेतली आहे. असे म्हटले तर वावगे ठरणार नाही. कारण या आठवडे बाजारात असलेल्या गटारी वरील स्लॅप तुटल्याने जनतेला दररोज मौत का कुआच्या अनुभव घेत जगावे लागत आहे. प्रत्येक शनिवारी वृद्ध, तरुण, बालके महिला- पुरुष यांना या परिसरात जीवनावश्यक, कामकाजानिमीत्ताने घराबाहेर गरजेचे आहे. परंतु या परिसरातील गटावरील ढापे तुटल्याने अपघात व पडणे नित्याचे झाले आहे.
आज ६ नोव्हेंबर शनिवार रोजु ३~४५ वाजेच्या सुमारास
महेंद्र कंपनीची एम.एच.०४-एच.डी.५४१० या क्रमांकाची ऊसाने भरलेली गाडी या आठवडे बाजारातील खड्यामुळे पलटी झाली काही कळायच्या आत या ठिकाणी हजर असलेले हिंदु- मुस्लीम युवक जगदीश पाटील (जगु), सरदार भाई, मतीन बगवान, सचीन चौधरी, मतीन टकारी, विनोद पहेलवान, सागर पाटील, अण्णा चौधरी, वसीम शेख,गणेश कोळी, खैरनार, पवन पाटील या युवकांनी क्षणाचाही विचार न करता हा ऊसाने भरगच्या भरलेला मेटॅडोर (टेम्पो) क्षणार्धात उचलुन गाडी खाली दबलेले गाडी मालक अमोल पाटील, क्लीनर अशोक पाटील यांना सुखरूप बाहेर एकप्रकारे जीवदान दिले. कारण जर का या तरुणांनी ऐनवेळी धाव घेतली नसती तर दोन व्यक्तीची जिवीतहानी झालीच असती असे प्रत्यक्षदर्शी बघ्यांनी सांगीतले.
पाचोरा शहरातील आठवडे बाजारातील समस्ये संदर्भात अनेक वेळा तक्रारी केल्या परंतु नगरपालिका उडवाउडवीची उत्तरे देत आम्ही बऱ्याचवेळा लोखंडी जाळया बसवल्या परंतु चोरटे त्यासुद्धा राहु देत नसल्याचे कारण सांगुन वेळ मारून नेतात”
पाचोरा शहर विकासाचे बिगुल वाजवणारी नगरपालिका प्रशासनास व सत्ताधारींना हा प्रश्न कायम स्वरूपी सोडविण्यासाठी ठोस काहीतरी उपाय करणे गरजेचे आहे. नाहीतर तो दिवस दुर नाही ज्या दिवशी या जिवघेण्या खड्यांमुळे एखाद्याचा हकनाक बळी जाईल मग सहनशीलता संपलेली जनता तो कोणत्याही धर्माचा असो त्याचे प्रेत नगरपालिका कार्यालयाच्या मुख्य प्रवेशद्वारा जवळ ठेऊन सर्वधर्मीय जनता त्याचा जाब विचारल्या शिवाय राहणार नाही. हे मात्र तेवढेच खरे आहे. कारण नगरपालिकेने आजपर्यंत या परिसरातील सर्व धर्मिय जनतेची “अच्छाई देखी है, परंतु जेव्हा सहनशिलतेचा अंत होऊन जनउद्रेक होईल तेव्हा काय ? होईल ते काळ आणि वेळच सांगेल म्हणुन सर्व सामान्य जनतेचा अंत न पहाता हा यक्ष प्रश्न तातडीने सोडवण्यासाठी नगरपालिकेने त्वरित काम हाती घ्यावे ही रास्त अपेक्षा जनतेतून व्यक्त केली जात आहे.
