दिलीप जैन.(पाचोरा)
दिनांक~०५/०३/२०२१

पिंपळगाव हरेश्वर येथील एक तरुणीने दिनांक २६ फेब्रुवारी शुक्रवारी पिंपळगाव हरेश्वर पोलीस स्टेशनला स्वता हजर होऊन अत्याचार झाल्याची तक्रार पिंपळगाव हरेश्वर पोलीस स्टेशनमध्ये कार्यरत असलेल्या सहाय्यक पोलीस निरीक्षक सौ.निताजी कायटे यांच्याकडे दिली होती.

पिडीतेच्या फिर्यादीवरून निंबा सावळे, निलेश, शिवाजी, गोपाल पाटील, बापू उर्फ संजु आढाव व समीनाबाई लुकमान तडवी सर्व राहणार पिंपळगाव हरेश्वर तालुका पाचोरा यांच्या विरोधात गुन्हा रजिस्टर नंबर ३१/२०२१ भादवीकलम ३७६, ३७६ड, ३७६(२)(एन), ५०४, ५०६, ३४ व इतर कलमान्वये गुन्हा दाखल करुन घेत.

लगेचच सहाय्यक पोलीस निरीक्षक सौ. निताजी कायटे यांनी जिल्हा पोलीस अधीक्षक श्री.प्रविणजी मुंढे साहेब व उपविभागीय अधिकारी श्री.भरत काकडे साहेब यांच्या मार्गदर्शनाखाली प्रमाणे जलदगतीने तपास सुरू करत काही आरोपींना अटक करण्यात आली मात्र यात एक कलम वाढीव लागल्याने त्याचा तपास वरिष्ठ अधिकारी यांच्या अखत्यारीत येत असल्याने हा गुन्हा पाचोराचे उपविभागीय अधिकारी श्री. भरतजी काकडे साहेब यांच्याकडे वर्ग करण्यात आल्यानंतर पिडीत मुलीने फिर्यादीत नमुद केलेल्या आरोपींना पकडण्यासाठी शोधमोहीम सुरु केली होती.

आरोपींचा शोध घेऊन अटकसत्र सुरु झाल्याची खबर लागताच एक राजकीय क्षेत्रात नावाजलेला माजी पदाधिकारी याने या गैरप्रकारात साथ देणारी महत्वाची भूमिका असलेली एक महिलेला व काही आरोपींना सोबत घेऊन आपला बचाव करण्यासाठी काही राजकीय तर काही प्रतिष्ठित लोकांचे दरवाजे मदतीसाठी ठोठावत मदतीसाठी गळ घातली परंतु हा प्रकार अतिशय गंभीर व निंदनीय असल्याने त्यांना अपयश आल्यानंतर ते फरार झाल्याने तपासात व्यत्यय आला असल्याचे जनमानसातून बोलले जात आहे.

(परंतु बरेच दिवस उलटून गेल्यावरही आरोपी सापडत नसल्याने जनतेतून संभ्रम निर्माण होऊन हे प्रकरण येथेच थांबते की काय अशी चर्चा सुरु असून पोलिसांनी या तपासात जातीने लक्ष घालून आरोपींना त्वरीत अटक करुन कठोरात कठोर शासन व्हावे अशी अपेक्षा व्यक्त केली आहे.)

मात्र पिंपळगाव हरेश्वर पोलीस व उपविभागीय अधिकारी पाचोरा यांचेमार्फत आरोपींचा कसून शोध सुरु केला असून आरोपी लवकरात लवकर कसे पकडले जातील या करिता प्रयत्नशील असून आरोपी सापडल्यावरच पुढील तपासाला गती येईल असे बोलले जात आहे.

तर दुसरीकडे संबंधित काही संशयित आरोपी हायकोर्टात जामीन मिळवण्यासाठी प्रयत्नशील असल्याचे समजते.