दिलीप जैन.(पाचोरा)
दिनांक~२०/०८/२०२२

पाचोरा तालुक्यातील अंबे वडगाव येथील पारीमांडल्य महानुभाव आश्रम, श्री कृष्ण मंदिर, जामनेर तालुक्यातील मौजे शहापूर येथील महानुभाव आश्रम व भडगाव तालुक्यातील भातखंडे येथील महानुभाव आश्रम व इतर स्थावर मालमत्ता ही रविराज मुकुंदराज येळमकर यांच्या मालकीची असल्यावर ही भातखंडे येथील साधका शिष्य मोहन येळमकर यांनी बनावट वैद्यकीय प्रमाणपत्र व बनावट मृत्यूपत्र बनवून स्वताच्या नावे करुन घेतल्याबद्दल रविराज मुकुंदराज येळमकर यांनी फिर्याद दिल्यावरुध पिंपळगाव हरेश्र्वर पोलीस स्टेशनला रितसर गुन्हा दाखल करण्यात आला आहे.

यात बनावट वैद्यकीय प्रमाणपत्र व बनावट मृत्यूपत्र बनवून मौजे आंबेवडगाव शिवार शेत गुट नं ९८ व ९४/२ वरील पारीमांडल्य महानुभाव आश्रम व मंदार, मौज शहापुर शिवार रात गट नं. ५४८/१ वरील महानुभाव आश्रम तसेच मौज भातखंडे बुद्रुक शिवार रात गटनं ६४ वरील महानुभाव आश्रम या मुकुंदराज येळमकर यांच्या मिळकती प्रॉपर्टी आरोपी मोहन येळमकर यांनी स्वताच्या नावावर करणेसाठी दिनांक २० नोव्हेंबर २०२० रोजीचे ११ वाजेपासून ते ०२ जुलै २०२२ रोजीचे १० वाजेचे दरम्यान तलाठी, आंबेवडगांव यांचेकडे सादर करून फिर्यादीची फसवणूक केल्याचा कट उघडकीस आला आहे.

याबाबत अंबे वडगाव येथील पारीमांडल्य महानुभाव आश्रमाचे महंत रविराज मुकुंदराज यांच्या फिर्यादीवरून गुन्हा रजिस्टर नंबर व कलम गुन्हा रजिस्टर नंबर २१०/२०२२ भादवी कलम ४२०, ४६५, ४६७, ४६८, ४७१, ४७२,१२० व प्रमाणे गुन्हा नोंद करण्यात आला असून पाच संशयित आरोपी मोहन येळमकर (भातखंडे) तालुका भडगाव, विजय माधवराव बांधकर. राहाणार मनसर,तालुका रामटेक जिल्हा नागपूर, संतोष शेनफडु बडगुजर (वरसाडे) तालुका पाचोरा, विनोद जयकृष्ण दर्यापूर कर राहाणार करनवाडी तालुका मारेगांव जिल्हा यवतमाळ व नितीन पंडित कुलकर्णी राहाणार भवानी नगर, गिरड रोड पाचोरा या आरोपींना पिंपळगाव हरेश्र्वर पोलीसांनी ताब्यात घेतले असल्याचे खात्रीलायक समजते.

हा गुन्हा नोंद झाल्यापासून अंबे वडगाव गावातील व पंचक्रोशीतील जनतेतून समाधान व्यक्त केले जात असून (पिंपळगाव हरेश्र्वर पोलीसांच्या कामगिरीबाबत समाधान व्यक्त केले आहे.) तसेच हा गुन्हा दाखल झाल्यापासून काही स्वयंघोषित प्रतिष्ठित (लबाड लांडगे) या कटकारस्थानात सहभागी असलेले परंतु पडद्यामागून भुमिका पार पाडणारांच्या पायाखालची वाळू सरकली असून हे कित्येक राजकीय व काही प्रतिष्ठित व्यक्तींच्या दरवाज्यावर खेट्या घालून हे प्रकरण मार्गी लावण्यासाठी प्रयत्न करत असल्याची चर्चा ऐकायला मिळत आहे. परंतु पिंपळगाव हरेश्र्वर पोलिसांनी कुणाच्याही दबावाला बळी न पडता सखोल चौकशी करून हजारो नव्हे तर लाखो भाविक भक्तांच्या श्रध्दास्थानाच्या मुख्य महतांना न्याय मिळवून द्यावा अशी मागणी जोर धरत आहे.

(तसेच या प्रकरणात बनावट वैद्यकीय प्रमाणपत्र व बनावट मृत्यूपत्र बनवण्यासाठी मदत करणारे जरी मुख्य नायक सापडले असले तरी यांची भुमिका साकारण्यासाठी पडद्यामागचे सुचक व अजूनही काही स्थानिक व काही बाहेरील गावचे लोक सहभागी असून पिंपळगाव हरेश्र्वर पोलीसांनी या गुन्ह्याची सखोल चौकशी करून इतर खलनायकांनाही अटक करावी अशी मागणी पंचक्रोशीतील भाविक, भक्त व सर्वसामान्य नागरिकांकडून होत आहे.)

अंबे वडगाव येथील पारीमांडल्य महानुभाव आश्रमात काही वर्षांपूर्वी भल्यामोठ्या रकमेची चोरी झाल्याबद्दलची माहिती समोर येत असून पंचक्रोशीतील गावागावातून याबाबत उलटसुलट चर्चा ऐकायला येत आहे. याबाबत सविस्तर माहिती घेऊन दुसऱ्या भागात जनतेसमोर आणण्यासाठी सत्यजित न्यूज प्रयत्नशील आहे.