मा. जिल्हाधिकार्यांच्या आदेशाला खो देत वरखेडी येथे भरलेला गुरांचा बाजार पिंपळगाव हरेश्वर पोलीसांनी हटवला.
दिलीप जैन.(पाचोरा)
दिनांक~०७/१०/२०२१
लम्पी स्किनचा संभाव्य धोका लक्षात घेऊन याची लागण होऊ नये म्हणून माननीय जिल्हाधिकारी साहेब यांनी पाचोरा तालुक्यातील वरखेडी येथे भरणारा गुरांचा बाजार बंदच्या सूचना दिल्या होत्या परंतु या सूचनांकडे कृषी पुर्णपणे दुर्लक्ष करत वरखेडी गुरांचा बाजार जामनेर, पाचोरा या रहदारीच्या रस्त्यावर भरविण्यात आल्याने वाहतुकीची कोंडी झाली असल्याचे निदर्शनास येताच वरखेडी येथील पोलीस पाटील बाळू कुमावत यांनी भ्रमणध्वनीवर कळवताच पिंपळगाव हरेश्वर पोलीस स्टेशनचे सहाय्यक पोलीस निरीक्षक मा.श्री. कृष्णा भोये साहेबांनी लगेचच वरखेडी बीटचे पोलीस हेड कॉन्स्टेबल विजय माळी व दिपकसींग पाटील यांच्यासह पोलीस कुमक पाठवून बाजार हटवून बंद केला.
पिंपळगाव पोलिसांनी त्वरीत येऊन कारवाई केल्यानंतर गुरांचा भरलेला बाजार हटवताच वाहतूक सुरळीतपणे सुरु झाली आहे.