दिलीप जैन.(पाचोरा)
दिनांक~२६/०२/२०२२

पाचोरा शहरात प्रथमच रशियन टेक्निकलॉजी द्वारे कंपाउंड फॅक्चर झालेल्या रुग्णावर सुधन हॉस्पिटलमध्ये यशस्वी शस्त्रक्रिया करण्यात आली.

याबाबत सविस्तर वृत्त असे की वरखेड येथून जवळच असलेल्या भोकरी गावातील रहिवासी अस्लम ईसुब कुरेशी हे शेंदुर्णी कडून आपल्या दुचाकीवरून भोकरी गावी परतत असतांंना जामनेर ते पाचोरा रस्त्यावर अंबे वडगाव येथून जवळच असलेल्या जोगे फाटा परिसरात दुचाकीला अज्ञात वाहनाने जोरदार धडक दिल्यामुळे या अपघातात अस्लम कुरेशी यांच्या पायाला मार लागून उजव्या पायाचा पूर्णपणे चुराडा होऊन हाडे मोडली गेली होती.

डॉ. प्रशांत पाटील व अपघातग्रस्त अस्लम कुरेशी यांचेशी केलेली बातचीत.

हा प्रसंग घडल्यानंतर कुरेशी परिवार अत्यंत तणावाखाली आला होता. काहींच्या मते आता हा पाय कापावा लागेल असे तर्क वितर्क लढवले जात होते. परंतु यांनी हार न मानता अस्लम कुरेशी यांना पाचोरा येथील सुधन हॉस्पिटलमध्ये दाखल केले. यावेळी डॉक्टर प्रशांत पाटील यांनी अपघातग्रस्त तरुणाच्या पायाचे व्यवस्थित एक्स-रे करून ऑपरेशन करण्याचा निर्णय घेतला. याबाबत अस्लमच्या कुटुंबियांना विश्वासात घेत अत्यल्प दरात कंपाउंड फॅक्चर झालेल्या या पायावर रशियन टेक्नॉलॉजीचा वापरून शस्त्रक्रिया यशस्वी करण्यात आली.

एवढेच नव्हे तर शस्त्रक्रिया झाल्यावर तीनच दिवसात फॅक्चर झालेल्या तरुणाला वॉकरच्या साह्याने चालून दाखवले. यामुळे अपघातग्रस्त अस्लम कुरेशी व त्यांच्या परिवाराने डॉक्टर प्रशांत पाटील यांचे आभार मानले. अशी ही गुंतागुंतीची शस्त्रक्रिया प्रथमच पाचोरा शहरात यशस्वी झाल्याचे सांगितले जात आहे.