दिलीप जैन.(पाचोरा)
दिनांक~२७/०१/२०२२

जामनेर तालुक्यातील वाकोद येथे दिनांक २६ जानेवारी २०२२ बुधवार रोजी भोईसमाज संघर्ष सेना (सामाजिक संघटना) या संघटनेचे संस्थापक, अध्यक्ष मा.श्री. नितीनजी भोई साहेब यांच्या हस्ते फलकाचे अनावरण करुन शाखेची स्थापन करण्यात आली. तसेच त्याच दिवशी वाकोद येथे उदघाटन करुन पहिली शाखा उघडून संस्थेच्या कामाची मुहूर्तमेढ रोवण्यात आली. या शुभ प्रसंगी असंख्य भोई बांधवांनी स्वयंस्फूर्तीने संघटनेत प्रवेश घेतला. या नुतन सदस्यांचा सत्कार करुन लगेचच संस्थापक, अध्यक्ष नितीनजी भोई यांच्या हस्ते पदभार देत नियुक्ती पत्र देण्यात आले.

या शुभ प्रसंगी संघटनेचे प्रदेशाध्यक्ष विजयजी खेडकर, उपाध्यक्ष प्रवीणजी भोई, महासचिव विजयजी इंगळे, महासंघटक किसनजी भोई, उत्तर महाराष्ट्र विभागिय अध्यक्ष सागरजी भोई जामनेर, जिल्हापरिषद सदस्य अमित देशमुख, हास्य कलाकार सिद्धार्थ सोनवणे उर्फ (ज्यु.भाऊ कदम) वाकोदचे संरपच साहेब, तालुकाध्यक्ष शंकरजी भोई व समस्त भोई समाज बांधव उपस्थित होते.

संस्थापक/अध्यक्ष नितीनजी एस.भोई.= भोई समाजाचे प्रगतीसाठी तसेच उद्योग उभारणीसाठी संघटना सतत झटणार असून, भोई समाजावर कुठेही अन्याय, अत्याचार झाल्यास आपल्या संघटनेमार्फत आवाज उठवण्यासाठी सेना कटिबद्ध असेल. तसेच समाजातील निरक्षरता, अंधश्रद्धा, वाईट रुढी, परंपरा मोडीत काढून व्यसनमुक्त समाज घडवण्यासाठी आम्ही कटीबद्ध आहोत असे सांगितले.