दिलीप जैन.(पाचोरा)
दिनांक~१८/१०/२०२१

पाचोरा तालुक्यातील कुऱ्हाड हे गाव अवैधधंद्यासाठी नावाजलेल्या असून या गावात सट्टा, पत्ता, दारू, जुगार, हे अवैधधंदे राजरोसपणे सुरू होते. परंतु अवैधधंदे करणाऱ्यांमध्ये शीतयुद्ध सुरू झाल्याने कुऱ्हाड गावाचा अशांतता निर्माण झाली होती.

याच कालावधीत पिंपळगाव हरेश्वर येथे नव्यानेच बदलून आलेले सहाय्यक पोलीस निरीक्षक कृष्णा भोये यांनी अवैधधंदे करणारांच्या विरोधात धडक मोहीम सुरू केली असून अवैधधंदे करणाऱ्यांचे उखळ पांढरे झाले आहे.

भरीत भर म्हणून अवैधधंदे करणाऱ्यांचे दोन गट पडल्याने या दोघी गटांमध्ये आम्हाला राजकीय पाठबळ मिळत असल्याचे ते ठासून सांगत असतात. व तसे जनमानसात वारंवार सांगून हे अवैधधंदे करणारे एकप्रकारे दहशत निर्माण करत असतात असे दिसून येते.

असे असले तरी पिंपळगाव हरेश्वर पोलिस स्टेशनचे सहाय्यक पोलीस निरीक्षक कोणाच्याही हस्तक्षेपाची दखल न घेता कायदेशीर कारवाई करत असल्याने जनमानसातून त्यांच्या कार्यशैलीचे व कारवाईचे कौतुक होत आहे.

पिंपळगाव हरेश्वर पोलिसांनी आज सायंकाळी एका गावठी दारू विक्रेत्यावर कारवाई केल्याने अवैधधंदे करणारांना राजकीय पाठबळ मिळत असल्याच्या खोट्या अफवेचे बिंग फुटले असून अवैधधंदे करणारांच्या डोक्यातील ही खेळी पूर्णपणे अयशस्वी झाली आहे.

तर दुसरीकडे गावातील काही रथी, महारथींना अवैधधंद्याचे विरोधात होत असलेल्या सततच्या कारवाईने सुतक पडल्याने ते सुतक फेडण्यासाठी कुणाच्यातरी मध्यस्थीने पोलिस स्टेशनला साकडे घालण्यासाठी प्रयत्नशील असल्याचे बोलले जात आहे.