दिलीप जैन.(पाचोरा)
दिनांक~११/१०/२०२१

मुंबई लोकसंघर्ष मोर्चाच्या प्रतिभाताई शिंदे यांनी आज पाचोरा येथे येऊन तहसीलदार मा.श्री. कैलासजी चावडे यांच्या दालनात ग्रामविकास अधिकारी, नायब तहसीलदार, गटविकास अधिकारी, तसेच पाचोरा येथील समाजसेवक खलील दादा देशमुख व कोरोना काळात विधवा झालेल्या महिलांच्या उपस्थितीत मिटिंग घेतली.

सुरवातीला पिडीत महिल्यांच्या समस्या जाणून घेण्याल्या नंतर
या मिटिंगमध्ये पाचोरा तालुक्यातील कोरोना काळात पती, मुलगा गमावलेल्या निराधार महिला व एक पालक वा दोन्ही पालक गमावलेल्या मुलांचा गाव निहाय सर्वे करावा अशी मागणी करण्यात आली.

तसेच कोरोना काळात विधवा झालेल्या निराधार महिलांना तात्काळ अन्नसुरक्षा योजनेचा लाभ, निराधार पेन्शन योजना, तहसील कचेरीवर कुटुंब सहाय्य योजने अंतर्गत वीस हजार रुपये तात्काळ देण्यात यावेत.

ज्या महिलांकडे आपल्या पतीच्या मृत्यूनंतर कागदपत्र उपस्थित नसतील तर तात्काळ कॅम्प लावून दाखले व संबंधित प्रमाणपत्र उपलब्ध करून देण्यात यावेत.

एकल महिलांकडे कुठले कौशल्य असल्यास त्यांना संबंधित विभागाच्या योजना मिळवून देण्यासाठी शिफारस वात्सल्य समितीने करावी.

समृद्ध गाव विकास योजना मनरेगा अंतर्गत योजनांचा लाभ देण्यात यावा.

ज्या महिलांकडे शेती आहे त्यांना शेतीपूरक उद्योगांना अनुदान व बिनव्याजी कर्ज मिळावे.

सुप्रीम कोर्टाच्या निकालाप्रमाणे सर्वांना पन्नास हजार रुपये अनुदान तात्काळ देण्यात यावे.

तालुक्यात एक पालक गमावलेल्या मुलांना तात्काळ बालसंगोपन अनुदान महिना १२५० रुपये महिना देण्यात यावे.

दोन्ही पालक गमावलेल्या मुलांना तात्काळ पाच लाख रुपयांची मदत देण्यात यावी असे निर्णय आजच्या बैठकीत घेण्यात आले.

मिटिंगमध्ये शेवटी संबंधित विषयानुसार गावनिहाय सर्व्हे आठ दिवसात पूर्ण करुन नियम व अटी नुसार सगळ्यांना रेशनिंग व संजय गांधी निराधार योजनेचा लाभ देण्यात येईल असे आश्वासन देत पूढील १५ दिवसातून एकदा मिटिंग घेऊन अडीअडचणी सोडवण्यासाठी प्रयत्न करु असे तहसीलदार मा.श्री. कैलासजी चावडे यांनी सांगितले व प्रतिभाताई शिंदे, खलील देशमुख व उपस्थीतांचे आभार मानले.