ठाणे महानगरपालिका सहाय्यक उपायुक्त कल्पिता पिंपळे यांच्यावर झालेल्या भ्याड हल्ल्याच्या निषेधार्थ पाचोरा नगरपरिषद कर्मचाऱ्यांचे आज कामबंद आंदोलन.
दिलीप जैन.(पाचोरा)
दिनांक~३१/०८/२०२१
ठाणे महानगरपालिका सहाय्यक उपायुक्त कल्पिता पिंपळे यांच्या उपस्थितीत ठाणे महानगरपालिका हद्दीतील अतिक्रमण हटाव मोहीम राबवत असतांना काही अतिक्रमण धारक गुंडांनी कल्पिता पिंगळे यांच्यावर जीवघेणा भ्याड हल्ला केला आहे.
ठाणे महानगरपालिकेच्या एक जबाबदार व विशेष म्हणजे महिला अधिकाऱ्यावर कायदा सुव्यवस्थेकामी काम करत असतांना जीवघेणा भ्याड हल्ला होणे ही गंभीर बाब असून या हल्ल्याच्या निषेधार्थ आज पाचोरा जिल्हा जळगांव नगर परिषद भारतीय मजदूर संघ संलग्न नगरपरिषद, महानगरपालीका कर्मचारी संघातर्फे अग्निशमन सेवा वगळता सर्व सेवा बंद ठेवण्यात आलेल्या आहेत.
हे कामबंद आंदोलन करण्यामागचा हेतु म्हणजे महानगरपालिका, नगरपालिकेच्या अतिक्रमण विभागात काम करणाऱ्या अधिकारी व कर्मचाऱ्यांना अतिक्रमण हटाव मोहीम राबवतांना पोलिस संरक्षण मिळाले पाहिजे ही महत्त्वाची मागणी असून ठाणे महापालिकेच्या सहाय्यक उपायुक्त कल्पिता पिंगळे यांच्यावर भ्याड हल्ला करणाऱ्या आरोपीस कठोर शिक्षा झाली पाहिजे. या मागणीसाठी पुकारण्यात आलेल्या कामबंद आंदोलनात जळगाव जिल्हा सलग्न भारतीय मजदूर संघ शाखा पाचोरा नगरपरिषद पाचोरा अध्यक्ष राकेश फतरोड उपाध्यक्ष संजय बागुल सचिव चंद्रकांत चौधरी मुख्याधिकारी व सर्व कर्मचारी वर्गातर्फे काम बंद आंदोलन करण्यात येत आहे. या आंदोलनाला पाचोरा नगरपरिषदेच्या कर्मचाऱ्यांनी पाठिंबा दर्शवण्यासाठी आज कामबंद आंदोलन करत पाठिंबा दर्शविला आहे.