दिलीप जैन.(पाचोरा)
दिनांक~३१/०५/२०२१

महाराष्ट्रात महाविकास आघाडीचे सरकार असुन यात कॉंग्रेस हा मुख्य घटक पक्ष असून कृ.उ.बा.प्रशासक पदावर कॉग्रेसला डावलण्याचे काम शिवसेनेचे आमदार पाटील यांनी केल्याने कॉग्रेस पदाधिकारी यांनी या घटनेचा निषेध केला आहे. पालकाने पालक व्हावे बालक होऊ नये असा इशारा पत्रकार परिषदेत केला.

महाविकास आघाडीच्या सरकार चे मुख्यमंत्री ना.उध्दव ठाकरे हे प्रमुख आहेत त्यांच्या खांद्याला खांदा लावून कॉग्रेसचे प्रदेश अध्यक्ष नाना पटोले हे काम करीत आहेत. असे असतांना पाचोरा – भडगाव विधानसभा मतदारसंघाचे महाविकास आघाडीचे आमदार किशोर पाटील हे आघाडीचे प्रमुख आहेत. म्हणजेच पालक आहे. पंरतु काहीं घटना अशा घडल्या की पालक पालकासारखे न वागता बालकासारखे वागत असल्याचा आरोप पत्रकार परिषदेत कॉग्रेसचे तालुका अध्यक्ष सचिन सोमवंशी यांनी केला आहे.

ते पुढे म्हणाले की पाचोरा कृषी उत्पन्न बाजार समितीच्या संचालक मंडळ बरखास्त झाले यासाठी अॉगस्ट २०२० मध्ये पाचोरा विश्राम गृहात एक गोपनिय बैठक शिवसेनेचे आमदार किशोर पाटील व राष्ट्रवादी चे माजी आमदार दिलीप वाघ यांनी केली आणि यात त्यांनी दोघा पक्षांचे प्रशासक म्हणून कोणते पदाधिकारी घ्यायचे हे ठरवले त्यानंतर यालाही शिवसेना आमदार किशोर पाटील यांनी तिलांजली देत स्वतः च्या पक्षाचे १८ पदाधिकारी यांची यादी दि. १४ अॉगस्ट २०२० रोजी जिल्हा उपनिबंधक सहकारी संस्था यांना स्वतःच्या लेटरहेडवर शिफारस केल्याचे आमदार पाटील यांचे लेटरहेड पत्रकार परिषदेत पुरावे म्हणून दाखवले मात्र तत्कालीन संचालक मंडळ उच्च न्यायालयात गेल्याने त्यांना स्थगिती मिळाली म्हणून हा विषय जैसे थे थांबला मात्र पुन्हा शासनाने संचालक मंडळ बरखास्त केले म्हणून दि. १८ फेब्रुवारी २०२१ रोजी शिवसेनेचे आमदार किशोर पाटील यांनी पुन्हा राष्ट्रवादी काँग्रेसचे माजी आमदार दिलीप वाघ यांच्या सह पाच लोकांची यादी पाठवली यावेळी कॉग्रेस हा महाविकास आघाडीचा घटक पक्ष असतांना आम्हाला विश्वासात नघेता कॉग्रेसला डावलण्याचा प्रकार केल्याने याचा आम्ही निषेध करतो असे श्री. सोमवंशी यांनी सांगितले ते म्हणाले की आमदार किशोर पाटील यांनी महाविकास आघाडीत ठीणगी पाडु नये कारण याचा वनवा महाराष्ट्रात पेटेल आणि महाविकास आघाडीचे प्रमुख मुख्यमंत्री उध्दव ठाकरे यांना त्रास होईल.असे करु नये अशी आमची अपेक्षा आहे.

महाविकास आघाडीचे प्रमुख उध्दव ठाकरे यांच्या सह कॉग्रेस प्रदेश अध्यक्ष आमदार नाना पटोले आणि जिल्हाध्यक्ष अॅड. संदीप पाटील यांना देखील या बाबतीत ची लेखी तक्रार केली आहे. नवीन प्रशासक मंडळात अल्पसंख्याक समाजातील लोकांना डावलले हे देखील महत्त्वाचे आहे येणाऱ्या काळात आमदार पाटील यांनी कॉग्रेस ला दुजाभावाची वागणूक देऊ नये अशी अपेक्षा व्यक्त केली. यावेळी शहर अध्यक्ष अॅड अमजद पठाण,जिल्हा उपाध्यक्ष विकास वाघ, तालुका सरचिटणीस प्रताप पाटील, शिवराम पाटील, महिला आघाडीच्या शिला सुर्यवंशी, सोशल मीडिया विधानसभा अध्यक्ष राहुल शिंदे, तालुका अध्यक्ष कल्पेश येवले आदी उपस्थित होते.