दिलीप जैन.(पाचोरा)
दिनांक~०४/०५/२०२१

पाचोरा ग्रामीण रुग्णालयात ऑक्सिजन अभावी दोन रुग्णांचा मृत्यू झाला असल्याची बातमी वजा (अफवा) पसरवण्यात आली होती. परंतु पाचोरा ग्रामीण रुग्णालयात ऑक्सिजन अभावी एकही रुग्ण दगावला नसून ही अफवा असल्याचा खुलासा एका पत्रकाव्दारे वैद्यकीय अधिकारी डॉक्टर अमीत साळुंखे यांनी दिला असून ग्रामीण रुग्णालयात आजच्या परिस्थितीत उपलब्ध असलेली उपचार पध्दती, ऑक्सिजनची परिस्थिती तसेच किती बेड आहेत. आजपर्यंत किती रुग्णांवर उपचार करण्यात आले याबद्दल सविस्तर माहिती दिली असून ऑक्सिजन अभावी रुग्णांचा मृत्यू ही अफवाच आहे. असे सांगितले.

याबाबत आज दिनांक ०४ मे सोमवार रोजी ग्रामीण रुग्णालय पाचोरा येथे एकूण ३० कोविड संसर्गित रुग्ण उपचारार्थ दाखल असून त्यापैकी २४ रुग्ण हे ऑक्सीजन वर असून ३ रुग्ण हे व्हेंटीलेटर वर आहेत . ग्रामीण रुग्णालयात एकूण ३० ऑक्सीजन सिलेंडर उपलब्ध असून त्यापैकी आजरोजी १३ सिलेंडर भरलेले आहेत. पैकी ४ सिलेंडर हे कार्यरत आहेत.

ग्रामीण रूग्णालयात पुरेशा प्रमाणात ऑक्सीजन सिलेंडर उपलब्ध असून ऑक्सीजन अभावी कोणत्याही रुग्णाचा मृत्यू झालेला नसून ऑक्सीजन सिलेंडर संपण्याच्या अगोदरच मा.जिल्हाधिकारी कार्यालय , जळगाव यांचेकडून तात्काळ सुरळीतपणे ऑक्सीजन पुरवठा होत आहे . तरी पाचोरा तालुक्यातील सर्व जनतेला आवाहन करण्यात येते की , ऑक्सीजन साठा संपलेला आहे व त्यामूळे रुग्णंचा मृत्यू होत आहे अशा प्रकारच्या अफवांवर विश्वास ठेऊ नये.

ग्रामीण रुग्णालयात ऑक्सीजन साठा उपलब्ध असून व नियमित ऑक्सीजन साठा प्राप्त होत आहे. तसेच सर्व दाखल असलेल्या कोविड संसर्गित रुग्णांची योग्य प्रकारे देखभाल केली जात आहे. ग्रामीण रुग्णालय पाचोरा येथे मागील १ वर्षापासून सुमारे ४६९ कोविड संसर्गित रुग्णांचा उपचार करण्यात आलेला असून त्यापैकी ४३३ रुग्ण उपचार घेऊन बरे होऊन घरी गेलेले आहेत. ग्रामीण रुग्णालयाचा कोविड संसर्गित रुग्ण बरे होण्याचा रिकव्हरी रेट सुमारे ९३ टक्के आहे जो की जळगाव जिल्ह्याच्या सरासरी रिकव्हरी रेट पेक्षा जास्त आहे.
अशी माहिती वैद्यकीय अधिकारी डॉक्टर अमित साळुंखे यांनी दिली आहे.