ऐनवेळी विद्यूतपुरवठा खंडित करनारा हाच तो तरुण.

दिलीप जैन.(पाचोरा)
दिनांक~१०/०४/२०२१

पाचोरा तालुक्यातील वरखेडी हे बाजारपेठेचे गाव असून या गावात व्यापारीवर्ग मोठ्या प्रमाणात आहे. तसेच जळगाव जिल्ह्यात दोन दिवसासाठी कडक लॉकडाऊन घोषित करण्यात आला असून बहूसंख्य लोक या लॉकडाऊच्या नियमांचे पालन करत आहेत. म्हणून वरखेडी गावात व बाजारपेठेत शुकशुकाट होता.

परंतु आजरोजी सायंकाळी ठीक आठ ते साडेआठ वाजेच्या सुमारास वादळ वैगेर काहीच नसतांना वरखेडी गावपरिसरातील विद्यूतपुरवठा अचानक खंडित झाल्याने उकाडा होत असल्याने ग्रामस्थांनी घराबाहेर येऊन पाहिले असता वरखेडी गावाच्या विद्यूतपुरवठा असलेल्या ट्रान्सफॉर्मर भागाकडून गोंधळ असल्याचा आवाज येत होता.

कारण वरखेडी परिसरातील विद्यूतपुरवठा अचानक खंडीत झाला असे प्रथमदर्शनी दिसत असले तरी वास्तव मात्र वेगळेच होते. याबाबत अधिक माहिती अशी की वरखेडी ते डांभुर्णी रस्त्यावर एक एग्रो कंपनी असून या कंपनीत काम करणाऱ्या एक परप्रांतीय व्यक्तीने स्वता व एका स्थानिक तरुणाच्या मदतीने विद्यूतपुरवठा खंडीत केल्याची बाब लक्षात आली हा प्रकार घडत असतांनाच एका सजग नागरिकाने क्षणाचाही विलंब न करता मोबाईमध्ये त्यांचे छायाचित्र काढून घेतले व ते छायाचित्र सत्यजित न्यूज कडे प्राप्त झाले आहे.

परंतु एका एग्रो कंपनीचा कर्मचारी एका स्थानिक तरुणाच्या मदतीने ऐन संध्याकाळी आठ ते साडेआठ वाजेच्या सुमारास गावपरिसरातील विद्यूतपुरवठा खंडित करतो ही बाब संशय घेण्यासारखी असून वरखेडी ग्रामस्थांच्या मनात अनेक शंका, कुशंका निर्माण झाल्या असून याबाबतीत लवकर तपास करुन सत्य बाहेर आले पाहिजे अशी मागणी वरखेडी ग्रामस्थांनी केली आहे.

तर दुसरीकडे जनमानसातून मिळालेल्या माहितीनुसार याच परिसरात एका ठिकाणी जळगाव जिल्ह्यातील तसेच परराज्यातील रेशनिंगच्या तांदळाचा अवैध साठा केला जातो व भरपूर मालाचा साठा जमल्यावर हा रेशनिंगचा माल एकाचवेळी तिन ते चार मोठे कंटेनर भरुन पसारा केला जातो परंतु हा माल चोरट्या पध्दतीने या परिसरातून वाहून नेतांना कुणालाही समजायला नको म्हणून विद्यूतपुरवठा खंडित करुन माल पसार करणे सोपे जाते त्याकरिता विद्यूतपुरवठा खंडित केला जात असल्याची बाब निदर्शनास आल्याची स्थानिक परिसरातील नागरिकांमध्ये जोरदार चर्चा होती.

या गैरप्रकाराचा भांडाफोड उद्या दिनांक ११ एप्रिलरोजी होण्याची शक्यता असल्याने खरा प्रकार काय आहे हे समोर येईल.