पाचोरा तालुक्यात वादळी वाऱ्यासह गारपीट
दिलीप जैन (पाचोरा)
दिनांक~२०/०३/२०२१
आज दुपारी ४ ते ५ वाजेचे सुमारास अचानक ढगाळ वातावरण तयार होऊन पाचोरा तालुक्यातील वरखेडी, लोहारी, साजगाव, बिल्धी, कुऱ्हाड या गावपरिसरात व शेतशिवारात मेघगर्जनेसह पावसाने हजेरी लावली याच वेळी सतत २० मिनिटे मोठ्या प्रमाणात गारपीट होऊन या परिसरातील मका, गहू, हरभरा, दादर, तूर, भुईमूग, भाजीपाला व उर्वरित कापसाचे मोठे नुकसान झाले असून जनावरांचा चारा शंभर टक्के नष्ट झाला आहे.
या अवकाळी पावसाने आधीच कर्जात सापडलेल्या शेतकऱ्याचे कंबरडे मोडले असून हाती आलेल्या पिकासह जनावरांचा चारा नष्ठ झाल्याने चाऱ्याचा प्रश्न समोर उभा ठाकला आहे. तसेच शेतमालाचे नुकसान न भरून निघण्यासारखे असून आधीच लॉकडाऊन मध्ये होरपळत असलेला शेतकरी मेटाकुटीला आला असल्याने शेतातील पिकांच्या नुकसानीचे पंचनामे होऊन शेतकऱ्यांना आर्थिक मदत मिळावी अशी मागणी या परिसरातील शेतकरी वर्गाकडून केली जात आहे.