जरंडी येथे चौथ्यांदा निवडून आलेल्या सदस्याला कार्यकर्त्याने चक्क खांद्यावर गावभर मिरवले.
नागराज पाटील.(पाचोरा)
दिनांक~२२/०१/२०२१
ग्राम पंचायत निवडणुकांच्या निकालानंतर जिल्हाधिकारी कार्यालयाकडून मिरवणुकांवर घालण्यात आलेली बंदी आणि वाद्य यावर निर्बंध असल्याने सोयगाव तालुक्यातील जरंडी येथील एका नवमतदाराने चक्क निवडून आलेल्या त्याच्या प्रभागातील सदस्य मधुकर लोटन पाटील यांना चक्क खांद्यावर विना वाद्य खांद्यावर मिरवून मतदारांच्या भेटीला घेवून गेल्याचा आनंददायक प्रकार प्रसंग घडला आहे.
(मैत्री म्हटलं म्हणजे जगातील एक अस पवित्र नात की या नात्याला न रक्तगटाची गरज असते कश्याची मैत्री म्हणजे दोन मनांचा एक पवित्र संगम यात लोभ, मोह, माया याला स्थान नसून सुखदुःखात एकमेकांना साथ देण्यासाठी जडलेल नात)
सोयगाव तालुक्यातील जरंडी येथे अशीच मैत्री पहावयास मिळाली
जरंडी येथील प्रभाग क्रमांक तीन मधील मधुकर लोटन पाटील यांनी ग्रामपंचायत निवडणुकीत मताधिक्याने विजय मिळविल्यावर येथील मधुकर पाटील यांचा जिवलग मित्र व तरुण कार्यकर्ता दीपक इंगळे यांनी चक्क या सदस्याला गावभर खांद्यावर घेवून मिरवून आनंद व्यक्त केला होता त्याच्या सोबत चार ते पाच तरुणांनी साथ दिली होती.
या २१ वर्षीय तरुणाने गावात दिवसभर या नवनियुक्त सदस्याला जमिनीवर न टेकविता दिवसभर खांद्यावर घेऊन गावभर मिरविले असून मतदारांच्या भेटी घेण्याचा हा खांद्यावरील उपक्रम तालुकाभर कौतुकास्पद विषय ठरला आहे.यावेळी या तरुणासोबत वैभव पाटील,अक्षय बाविस्कर,राकेश चौधरी,मयूर मुठ्ठे,निर्मल महाले,आदि या खांद्यावरील मिरवणुकीत होते.