दिलीप जैन.(पाचोरा)
दिनांक~१७/०२/२०२१

पाचोरा तालुक्यातील पाचोरा ते जामनेर, पाचोरा ते मोंढाळा, पाचोरा ते जळगाव व इतर रस्त्यावर तसेच गावपरिसरातील हॉटेल, पानपट्टी, किराणा दुकान, लहानमोठी उपहारगृह, पंक्चर दुकान व फक्त नावालाच इतर व्यवसायाचा देखावा करुन थाटलेल्या दुकान वजा टपऱ्या लावून या ठिकाणी गावठी व देशीदारुची मोठ्या प्रमाणात रात्रंदिवस खुलेआम विक्री सुरु आहे.

तसेच सद्या लग्नसराईचे व धार्मीक स्थळांवर यात्रा उत्सवाचे दिवस असल्याने प्रवासी संख्या वाढल्याने प्रवासी वाहतूक करणाऱ्या वाहनांची संख्या वाढल्याने मोठ्या प्रमाणात वाहने रस्त्यावर धावत असतात.

यातच स्वमालकीच्या दुचाकीवरून प्रवास करणारांची संख्या मोठ्या प्रमाणात असून कुठेही कार्यक्रमात जातांना मद्यपान करणे ही प्रतिष्ठेची बाब समजून बरेचसे वाहनचालक मध्यपान करुन आपल्या ताब्यातील वाहने भरधाव वेगाने पळवतात व यामुळे अपघात होतात व कायद्याच्या चौकटीत राहून रस्त्यावरून जाणाऱ्या वाटसरुंना नको त्या प्रसंगाला सामोरे जावे लागते तर काहींनी आपले जिव गमावले आहेत.

आजपर्यंतच्या झालेल्या अपघातांचा आढावा घेतला असता झालेल्या अपघातापैकी पन्नास टक्के अपघातात मद्यपान केलेले वाहनचालक आढळून येते.तर काही अपघात रस्त्याची दुरावस्था व प्रमाणापेक्षा जास्त वेगाने वाहने पळवल्यामुळे होतात.

तरी भररस्त्यावर व इतर ठिकाणी सुरु असलेली अनाधिकृत दारुदुकाने व दारुविक्री कायमस्वरूपी बंद करण्याची मागणी सुज्ञ नागरिकांकडून केली जात आहे.