दिलीप जैन.(पाचोरा)
दिनांक~०२/०१/२०२१
वरखेडी येथील प्याराबाई धनराज बडोला धनराज बडोला माध्यमिक विद्यालयात गेल्या बर्‍याच दिवसांपासून विद्यार्थ्यांना पिण्याच्या पाण्याची टंचाई भासत होती. यासाठी वरखेडी गावातील दानशूर व्यापारी किलाचंद भिकचंद जैन यांनी या समस्येची दखल घेत स्वर्गीय माता-पिता भिकचंद सुरजमल जैन व लिलाबाई भिकचंद जैन यांच्या स्मरणार्थ शाळेसाठी स्वखर्चाने विद्यार्थ्यांसाठी पिण्याच्या पाण्याची टाकी बांधून देत आहेत.यानिमित्ताने दि.३१ डिसेंबर रोजी शेंदुर्णी सेकं.एज्युकेशन को-ऑप.सोसायटी मर्यादित चे सचिव सतिष काशिद यांच्या प्रमुख उपस्थितीत पाण्याच्या टाकीच्या बांधकामाचे भूमिपूजन करण्यात आले.यावेळी उज्वलाताई काशिद,वसतीगृह सचिव कैलास देशमुख,वरखेडी गावचे माजी उपसरपंच संतोष पाटील,देणगीदार किलाचंद भाऊ जैन,लोकमत पत्रकार हेमशंकर तिवारी,सावखेडा बु|| गावचे सामाजिक कार्यकर्ते भरत परदेशी,कल्पेश जैन बेटावद विद्यालयाचे मुख्याध्यापक आर. एस. ब्राम्हणे,बडोला विद्यालयाचे मुख्याध्यापक डी.आर.शिंपी, पर्यवेक्षक ए. बी.ठोके,सर्व शिक्षक, शिक्षिका यांची देखील उपस्थिती होती.
यावेळी किलाचंद जैन यांच्या हस्ते पाण्याच्या टाकीच्या बांधकामाचे भूमीपूजन करून श्रीफळ वाढवून कुदळ मारून श्रीगणेशा करण्यात आला.किलाचंद जैन यांचे संस्थेच्या वतीने संस्था सचिव यांनी आभार मानले.