दिलीप जैन.(पाचोरा)
दिनांक~१५/०७/२०२२

पाचोरा-येथील ध्येय न्यूज व ध्येय करिअर अकॅडमीचे संचालक संदीप महाजन यांनी खाजगी शिकवणी व क्लासेस घेणाऱ्यांबाबत गुन्हा दाखल व नियमावलीचे तंतोतंत पालन होणे कामी थेट औरंगाबाद उच्च न्यायालयात याचीका दाखल करण्याबाबतचे बिगुल वाजवले आहे.

याबाबत सविस्तर वृत्त असे की शासनाने फक्त लवचिक धोरण असलेले परिपत्रक प्रसारित करून जे शालेय व महाविद्यालयीन प्राध्यापक – शिक्षक अनुदानित असो किंवा विना अनुदानित असो असे प्राध्यापक व शिक्षक सर्रासपणे कधी स्वताच्या घरी शिकवण्या घेणे तर कधी घरातील सदस्यांच्या नावाने क्लासेस चालवून स्वताहून त्यामध्ये अध्यापन करणे असे प्रकार सर्रास सुरू होते. विशेष बाब म्हणजे हेच प्राध्यापक व शिक्षक चांगला निकाल लावण्याच्या नावाने परीक्षेच्या कालावधीत अनुदानित असो की विनाअनुदानित असो असे प्राध्यापक – शिक्षक स्वता आपल्याकडे येणाऱ्या विद्यार्थ्यांना परिक्षेच्या वेळी परिक्षा सेंटरवर स्पेशल सुविधा पुरवण्याचे काम करतांना दिसून येतात.

तसेच जे शालेय शिक्षक असो की शिक्षिका असो ते क्रीम (हुशार) विद्यार्थ्यांच्या वर्गांची स्वतंत्र तुकडी वेगळी करून त्यावर आपले विषय शिक्षकाची, क्लास टीचर शिप किंवा तासिका घेऊन आपली जबाबदारी पार पाडत असतात. मात्र पडद्या मागील उद्येश म्हणजे सदरच्या क्रीम वर्गातील विद्यार्थी आपल्याकडे शिकवणीसाठी कसे येणार याची जणूकाही व्युहरचना (प्लॅनिंग) ने करीत असतात. अशा या चुकीच्या धोरणामुळे विद्यार्थी जेमतेम दहावी चांगल्या मार्काने पास होऊन बारावी बोर्डाची देखील परीक्षा पास करतात. तसेच या प्रकारामुळे सतत घोकंपट्टी पट्टी करुन अभ्यासासाठी डोळे फोडून कष्टाने टक्केवारी मिळवणाऱ्या विद्यार्थ्यांवर एक प्रकारचा अध्याय होतो असे म्हटले तर ते वावगे ठरणार नाही.

मात्र जेव्हा NEET किंवा JEE सारख्या परीक्षेला सामोरे जाण्याची वेळ येते तेव्हा मात्र त्यांचा पोपट होत असतो. परंतु तोपर्यंत वेळ निघून जात असल्यामुळे मुलांना व पालकांना पश्चातापाशिवाय पर्याय राहत नाही. शिवाय ज्या गल्लीबोळातील विना रजिस्ट्रेशन, व्यवसाय करून निवासी कर भरणे तेथे इले. मिटर घरगुती स्वरूपात चालावणे कोणत्याही प्रकारच्या मुलभूत सुख-सोई नसलेले असे क्लासेस देखील सर्रास चालत आहेत. या सर्व बाबतीत कठोर निर्णय व थेट फौजदारी स्वरूपाचे गुन्हे दाखल संदर्भात कायदाच होणे कामी मेहरबान उच्च न्यायालय याचिका दाखल करणार असल्याचे ध्येय न्युज संपादक व ध्येय करिअर ॲकेडमी संपादक संदीप महाजन यांनी पत्रकाव्दारे कळविले आहे.

याशिवाय सर्व परिपत्रके त्या आधारे झालेली कार्यवाहीसह, कारवाई संदर्भातील माहिती घेण्यासाठी पुणे उपसंचालक सह जळगाव शिक्षण अधिकारी यांना देखील माहिती अधिकार पाठवुन अधिकृत माहिती मागवली असल्याचे महाजन त्यांनी सांगितले आहे.