माणूसकीला काळीमा फासणारी धक्कादायक घटना, २ वर्षाच्या चिमुकलीसोबत अश्लिल चाळे, नराधमाविरुद्ध गुन्हा दाखल.
दिलीप जैन.(पाचोरा)
दिनांक~१४/०४/२०२२
राज्यात बऱ्याचशा ठिकाणी चिमुकल्यांसह महिलांवरील अत्याचाराच्या घटना काही केल्या कमी होत नाहीत. अशातच पाचोरा तालुक्यातून एक धक्कादायक प्रकार समोर आला आहे. तालुक्यातील एका गावात राहणाऱ्या २ वर्षाच्या चिमुकलीसोबत अश्लिल चाळे करणाऱ्याला रंगेहात पकडून त्याला संतप्त नागरिकांना चांगला चोप दिला आहे.
संतापजनक प्रकार~
पाचोरा तालुक्यातील एका गावात राहणारी २ वर्षाची मुलगी आपल्या कुटुंबियांसह वास्तव्याला आहे. मंगळवार १२ एप्रिल रोजी सायंकाळी साडे सहा वाजेच्या सुमारास घराशेजारी राहणारा सुभाष महादू महाजन हा दोन वर्षाच्या चिमुकलीसोबत अंगावरील कपडे काढून अश्लिल चाळे करत होता. दरम्यान, चिमुकलीची आई शोधाशोध करत सुभाष महाजन याच्या घरात घसुल्यावर हा प्रकार पाहिल्यावर त्यांना धक्काच बसला.
हा प्रकार नागरीकांना समजल्यावर संतप्त नागरीकांनी संशयिताला पकडून चांगला चोप दिला. पिडीत चिमुकलीच्या आईच्या फिर्यादीवरून संशयित आरोपी सुभाष महाजन याच्या विरोधात गुन्हा दाखल करण्यात आला आहे. पुढील तपास महिला पोलीस उपनिरीक्षक विजया वसावे करीत आहेत.
