दिलीप जैन.(पाचोरा)
दिनांक~११/०३/२०२२

पाचोरा येथील पाचोरा तालुका सहकारी शिक्षण संस्था संचलित श्री.गो.से. हायस्कूल पाचोरा तर्फे जागतिक महिला दिनानिमित्ताने मुलींसाठी व शिक्षिका भगिनींनसाठी निबंध स्पर्धा, लिंबू चमचा स्पर्धा, १०० मीटरधावणे, संगीत खुर्ची, स्मरणशक्ती स्पर्धा घेण्यात आल्या होत्या. या मैदानी स्पर्धांमध्ये विद्यार्थीनींनीव शिक्षिका भगिनींनी स्वयंस्फूर्तीने सहभाग घेतल्यामुळे या स्पर्धा मोठ्या उत्साहात व खेळीमेळीच्या वातावरणात संपन्न झाल्या.

या स्पर्धेच्या सुरवातीला तनिष्का गट व कार्यक्रमाच्या अध्यक्षा ज्योतीताई वाघ, संचालिका जिजाताई पाटील, सुधा जोशी, सुनीता मांडोळे, वैशाली जडे, ललिता पाटील, रेखा देवरे, संध्या बोरसे, सरला पाटील या मान्यवरांच्या हस्ते मासाहेब जिजाऊ, क्रांतीज्योती सावित्रीबाई फुले, माता सरस्वती यांच्या प्रतिमेचे पुजन करुन पुष्पहार अर्पण करण्यात आले. तसेच पी.टी.सी.चे पितृतुल्य संस्थापक अध्यक्ष स्व. आप्पासाहेब ओंकार वाघ यांच्या प्रतिमेचे पूजन करण्यात आले. गोहिल, ज्योती पाटील, शितल साळुंखे व संगीत लासुरकर यांनी आपल्या सुमधूर आवाजात इशस्तवन म्हटले, या गीताला संगीता साठे, रुपये पाटील, संगीत शिक्षक सागर थोरात यांनी अप्रतिम संगीताची साथ दिली. तदनंतर स्पर्धेत विजयी झालेल्या विद्यार्थीनींना व शिक्षक भगिनींना मान्यवरांच्या हस्ते बक्षिसांचे वाटप करण्यात आले.

नंतर स्पर्धेत विजयी झालेल्या लिंबू चमचा स्पर्धेत चंदा चौधरी प्रथम, द्वितीय संगीता लासूरकर, तृतीय वैशाली कुमावत, संगीत खुर्ची स्पर्धेत ज्योती पाटील प्रथम, द्वितीय शितल साळुंखे, तृतीय गायत्री पाटील, निबंध स्पर्धेत वैशाली कुमावत, चंदा चौधरी विभागून द्वितीय संगीताला लासूरकर, तृतीय वनिता जगताप, गीत गायन स्पर्धेत संगीता लातूरकर, द्वितीय विभागून ज्योती पाटील, अंजली गोहिल, तृतीय श्रद्धा पवार तसेच इतर ५० विद्यार्थिनींना व महिला भगिनींना बक्षीस देऊन गौरवण्यात आले. याप्रसंगी स्पर्धकांचा उत्साह गगनात मावेनासा झाला होता हा उत्साह पाहून प्रमुख पाहुणे व मान्यवर भारावून गेले होते.

तनिष्का गटाच्या सुनिता मांडोळे यांनी आपले मनोगत व्यक्त करतांना महिलांनी सक्षम बनून आपल्या स्वतःच्या पायावर उभे राहावे. विद्यार्थिनींनी आत्मविश्वास निर्माण करावा चांगला आदर्श डोळ्यासमोर ठेवावा अशा मार्गदर्शन सूचना विद्यार्थिनींना केल्या.
सरला पाटील यांनी झाशींच्या राणी बद्दल गीत म्हणून गीतातून मनोगत व्यक्त केले. तसेच सुधा समानता, भेदभाव विसरून जिद्दीने काम करा, डोळ्यासमोर आदर्श ठेवा असा संदेश सुधा जोशी यांनी दिला.

या कार्यक्रमात विशेष सत्कारार्थी
(शाळेतील शिक्षिका शीतल महाजन यांच्या कन्या वैष्णवी महाजन यांना नुकताच पीएचडी पदवी मिळाल्याने त्यांचा सत्कार आई म्हणून करण्यात आला.)

अध्यक्षीय भाषणात तनिष्का ग्रुपच्या अध्यक्षा ज्योती वाघ यांनी आपल्या मनोगतात विद्यार्थिनींनी आत्मविश्वासाने पुढे जाऊन यश संपादन करावे, कोरोना नंतर विद्यार्थ्यांनी जोमाने अभ्यासाला लागावे झालेले नुकसान भरून काढावे असे आवाहन केले. आभार प्रदर्शन गायत्री पाटील यांनी केले. या कार्यक्रमासाठी विशेष प्रेरणा व मार्गदर्शन शाळेचे मुख्याध्यापक सुधीर पाटील , उपमुख्याध्यापिका प्रमिला वाघ,पर्यवेक्षक एन आर पाटील सर्व शिक्षक शिक्षक भगिनी यांनी कार्यक्रम यशस्वीतेसाठी प्रयत्न केले.