दिलीप जैन.(पाचोरा)
दिनांक~१४/०४/२०२१

पाचोरा तालुक्यातील पिंपळगाव हरेश्वर पोलीस स्टेशन अंतर्गत येणाऱ्या लोहारा दुरक्षेत्राचे कार्यकक्षेत येणाऱ्या कुऱ्हाड खुर्द व कुऱ्हाड बुद्रुक गावात देशीदारुसह गावठीदारुची निर्मिती व विक्री भरवस्तीत व वर्दळीच्या ठिकाणी दिवसाढवळ्या सुरु होती.

येथील दारु निर्मिती व विक्रीचे प्रमाण इतके आहे की या गावातून आसपासच्या जवळपास दहा खेड्यात दारुचा पुरवठा करण्यात येत होता तर कुऱ्हाड येथे जवळपासच्या पाच खेड्यावरील तळीराम दारु पाण्यासाठी येत असल्याने गावात सोशल डिस्टेंसिंगचा फज्जा उडून गावपरिसरात अशांतता पसरली होती.

याची तक्रार कुऱ्हाड येथील काही सुज्ञनागरीकांनी व महिलांनी सत्यजित न्यूजकडे केली होती याची दखल घेत सत्यजित न्यूजने बातमीच्या माध्यमातून सतत आवाज उठवला होता तसेच जळगाव येथील कर्तव्यदक्ष अधिकारी मा.श्री. चंद्रकांतजी गवळी साहेब यांना वस्तुस्थिती सांगितली होती. बातम्यांची व तक्रारीची दखलघ घेत पाचोराचे डीवायएसपी मा.श्री. भरतजी काकडे यांच्या आदेशानुसार पिंपळगाव हरेश्वर पोलीस स्टेशनच्या सहाय्यक पोलीस निरीक्षक सौ. निताजी कायटे यांनी दिनांक १४ एप्रिल बुधवाररोजी पो.हे.कॉ. रणजित दादा राजपूत, पो.हे.कॉ. निवृत्ती मोरे, पो.कॉ. अरुणभाऊ राजपूत संदिप राजपूत व सहकारी यांच्यासह अवैधधंदे करणाराकडे धाडसत्र राबवून कारवाई केल्याचे व बिनामास्क फिरणाऱ्या लोकांवर कारवाई केल्याचे खात्रीशीर समजले आहे.

(पिंपळगाव हरेश्वर पोलिसांनी धडक कारवाई केल्याने अवैधधंदे करणारांचे धाबे दणाणले असून या कारवाई बाबत कुऱ्हाड ग्रामस्थ व महिलांनी आभार मानले असून कारवाईत सातत्य ठेवून दारू, सट्टा, जुगार कायमस्वरूपी बंद करावे अशी आपेक्षा व्यक्त केली आहे.)

अजून सविस्तर बातमी उद्या.