पाचोरा व भडगाव तालुक्यात मातोश्री पाणंद रस्ते व विविध योजनांचा आ.किशोर अप्पा पाटील घेणार आढावा, उपस्थितीचे आवाहन.
दिलीप जैन.(पाचोरा)
दिनांक~२९/१२/२०२१
महाराष्ट्र शासनाच्या मातोश्री ग्रामसमृध्दी पांणद रस्ते व विविध योजनांचा आढावा घेण्यासाठी विधानसभेच्या पाचोरा व भडगाव तालुक्यात गुरुवार दि ३० रोजी विशेष बैठकीचे आयोजन करण्यात आले असून या बैठकीला सर्व प्रमुख अधिकाऱ्यांसह स्थानिक लोकप्रतिनिधींची उपस्थिती असणार आहे.
या विशेष आढावा बैठकीला आमदार मा.श्री. किशोर आप्पा पाटील हे मार्गदर्शन करणार असून यांच्या प्रमुख उपस्थितीत राज्य शासनाच्या मातोश्री ग्रामसमृद्धी पाणंद रस्ते योजनेच्या माध्यमातून दोन्ही तालुक्यातील रस्तांच्या आढाव्यासह घरकुल व विविध योजनांचा देखील आढावा आमदार मा.श्री. किशोर आप्पा पाटील हे घेणार आहेत.
सदरची आढावा बैठक पाचोरा येथे दिनांक ३० डिसेंबर गुरुवार रोजी सकाळी ११ वाजता स्व.राजीव गांधी टाऊन हॉल याठिकाणी घेण्यात येईल, तसेच भडगाव तालुक्याची बैठक दुपारी ३ वाजता भडगाव पंचायत समितीच्या सभागतुहात होणार असून या बैठकीला पाचोरा व भडगाव तालुक्यातील सर्व सरपंच, उपसरपंच व ग्रामपंचायत पदाधिकारी यांनी उपस्थीत राहण्याचे आवाहन करण्यात आले आहे.
