दिलीप जैन.(पाचोरा)
दिनांक~२१/१२/२०२१

पाचोरा तालुक्यातील कळमसरा येथे सु-लक्ष्मी बहुउद्देशिय सेवाभावी संस्था व माणुसकी ग्रुप कळमसरा यांच्या वतीने रक्तदान शिबिर घेऊन गाडगेबाबांना विनम्र अभिवादन करण्यात आले.

याप्रसंगी कळमसरा गावातील प्रथम नागरिक सरपंच मा.श्री. अशोक दादा चौधरी व सुट्टीवर आलेले जवान मा.श्री. प्रसाद पवार, मा.श्री. चंद्रकांत गीते, मा.श्री. नितीन क्षीरसागर यांनी प्रतिमेचे पूजन केले. कवी मंगलदास मोरे यांनी स्वलिखित आरती गायन केली व रक्तदान शिबिराला सुरुवात करण्यात आली.

संत गाडगेबाबा यांचे विचार घेऊन काम करणारे समाजसेवक गजानन क्षीरसागर यांनी गाडगेबाबांनी केलेले रुग्णसेवेचे कार्य, निराधारांना आधार देणे, अंधश्रद्धा, रूढी, परंपरा, यावर माहिती विशद करून कार्याची थोडक्यात माहिती दिली. रक्तदान शिबिरासाठी सुट्टीवर आलेल्या जवानांनी सगळ्यांचे लक्ष वेधून घेतले व रक्तदान करून समाजासमोर एक नवा आदर्श निर्माण केला.

रक्तदान शिबिराचे हे चौथे वर्ष होते,खालील रक्तदात्यांनी रक्तदान केले ते पुढील प्रमाणे.. गंगा नर्सरी चे संचालक वृक्षमित्र दत्तात्रय तावडे, किरण धोबी, ज्ञानेश्वर चौधरी,जवान प्रसाद पवार, चंद्रकांत गीते, नितीन क्षिरसागर, गजानन तेली,दत्तात्रय तेली, राजेंद्र पाटील यांनी रक्तदान केले.
कार्यक्रम यशस्वीतेसाठी माणुसकी ग्रुप व ग्रामस्थ कळमसरा, रक्त संकलनासाठी रेड प्लस ब्लड बँक जळगाव यांनी सहकार्य केले.