कुऱ्हाड खुर्द येथे ब्रेक दि चेन लॉकडाऊनच्या नियमांची पायमल्ली.
(कुऱ्हाड येथील गोठाणपूरा भागातील हे किराणा दुकान)
दिलीप जैन.(पाचोरा)
दिनांक~२३/०४/२०२१
कोरोनाचा वाढता प्रादुर्भाव लक्षात घेत महाराष्ट्रात दिनांक २२ एप्रिलच्या सायंकाळी ०८ वाजेपासून ब्रेक दि चेन जाहीर करत कडकडीत लॉकडाऊची अमलबजावणी करण्याचे आदेश दिलेले असल्यावरही खेडेगावात अजूनही कोरोनाचा वाढता संसर्ग व लॉकडाऊनच्या नियमावलीकडे कमालीचे दुर्लक्ष केले जात असल्याचे निदर्शनास येत आहे.
पाचोरा तालुक्यातील कुऱ्हाड हे गाव कोरोनाच्या आकडेवारीनुसार हॉसपॉट ठरले असूनही कुऱ्हाड खुर्द गावातील किराणा दुकाने रात्रंदिवस सुरु असल्याचे दिसून येते. दुकाणाचे अर्धवट दरवाजे उघडे ठेवून व्यवसाय केला जात असल्याने या दुकानावर ग्राहकांची गर्दी होते.
विशेष म्हणजे या गर्दीत सामाजिक अंतर राखले जात नसून तोंडाला मास्क नसतात. तसेच याच गावात सट्टा पेढी व अवैद्यदारु विक्री मोठ्या प्रमाणात सुरु असून आसपासच्या खेड्यावरील व्यसनाधीन लोक या गावात एकच गर्दी करतात। या सगळ्या प्रकाराकडे सरपंच, पोलिस पाटील व स्थानिक ग्रामस्तरीय कोरोना जनजागृती समितीची डोळेझाक दिसून येते.
तरी या गावातील लॉकडाऊनचे पालन न करणारे व्यवसायीक व अवैधधंद्यांवाले यांच्यावर कडक कारवाई करण्यात यावी अशी मागणी सुज्ञ नागरिकांनी केली आहे.