आमदार मंगेशजी चव्हाणांसह इतरांना जामीन मंजूर.
दिलीप जैन.(पाचोरा)
दिनांक~०५/०४/२०२१
जळगाव येथील महावितरणचे अधिक्षक अभियंता यांच्याशी गैरवर्तन करण्याच्या आरोपातून कारागृहात असणारे चाळीसगावचे आमदार मंगेश चव्हाण यांच्यासह ३१ जणांना आज जिल्हा न्यायालयाने जामीन मंजूर केला आहे.
याबाबत वृत्त असे की, चाळीसगाव तालुक्यातील सुमारे सात हजार वीज जोडण्या तोडण्यात आल्यामुळे आमदार मंगेश चव्हाण यांनी शेतकर्यांसह जळगाव वीज परिमंडळाच्या कार्यालयात धडक दिली होती. येथे अधिक्षक अभियंता फारूक शेख यांना दोराने बांधून बांधावर नेण्याचा प्रयत्न करण्यात आला होता. तसेच परिमंडळ कार्यालयास कुलूप ठोकले होते. यामुळे मंगेश चव्हाण यांच्यासह इतरांवर गुन्हा दाखल करण्यात आला होता. त्यांनी पहिल्यांदा पोलीस कोठडी तर नंतर न्यायालयीन कोठडी सुनावण्यात आली होती.
दरम्यान, आमदार मंगेश चव्हाण यांनी जामीनासाठी अर्ज सादर केला होता. यावर काल सुनावणी पूर्ण झाली होती. तर आज न्यायालयाने त्यांच्यासह इतर सर्वांना जामीन मंजूर केला आहे.
पाचोरा येथे हजर रहावे (मा.श्री. अमोल भाऊ शिंदे ) यांचे कार्यकर्त्यांना आवाहन.
चाळीसगाव गावचे आमदार मंगेश दादा चव्हाण साहेब उद्या सकाळी ९.३० वाजता जळगावहुन चाळीसगाव कडे रवाना होतील तरी भाजपा युवा मोर्चा चे पदाधिकारी व कार्यकर्ते यांनी ठिक १०.३० वाजता पाचोरा येथील कृष्णापुरी चौफुलीवर आमदार मंगेश दादा चव्हाण साहेब यांचे आगमन होईल तरी सर्वांनी उपस्थित राहावे असे आवाहन भाजपा तालुकाध्यक्ष तथा युवा नेते मा.अमोल भाऊ शिंदे यांनी केले आहे.