दिलीप जैन.(पाचोरा)
दिनांक~०१/०७/२०२२

राज्यात सद्यस्थितीत राजकीय घडामोडींना वेग आल्याने राजकारण ढवळून निघाले आहे. यातच पाचोरा भडगाव मतदार संघाचे आमदार मा. श्री. किशोर आप्पा पाटील हे शिवसेनेच्या चिन्हावर निवडणुक लढवुन दुसऱ्यांदा आमदार झाले आहेत. मात्र शिवसेनेवर नाराज असलेल्या मा. नगरविकास मंत्री एकनाथ शिंदे यांनी त्यांचा स्वतंत्र गट तयार करून शिवसेने समोर मोठं आव्हान ठेवले.

एकनाथ शिंदे यांच्या गटात पाचोरा भडगाव मतदार संघाचे आमदार मा. श्री. किशोर आप्पा पाटील हे देखील सहभागी आहेत. त्यांच्या या सहभागामुळे पाचोरा मतदार संघात काही दिवसांपासून उलट सुलट चर्चेला उधाण आले होते. यावेळी आमदार किशोर पाटील यांचे खंदे समर्थक तथा स्वार्थापोटी का होईना अशा समर्थकांनी काल दिनांक ३० जुन २०२२ गुरुवार रोजी सकाळी ११:३० वाजता पाचोरा शहरातील राजे छत्रपती शिवाजी महाराज चौकातून भव्य रॅली काढून आमदार किशोर पाटील यांचे जोरदार समर्थन केले.

यावेळी मुकूंद बिल्दिकर, माजी नगराध्यक्ष संजय गोहिल, माजी उपनगराध्यक्ष शरद पाटे, प्रा. गणेश पाटील, नगरसेवक सतिष चेडे, रहिमान तडवी, शहरप्रमुख किशोर बारावकर, बंडू चौधरी, बापू हाटकर, प्रविण ब्राम्हणे, राजेंद्र भोसले, रमेश पाटील, अनिल पाटील, चंद्रकांत धनवडे, सलिम शेख, मतीन बागवान, बसीर शेख, फारुख मिस्तरी, सयीद मिस्तरी, नगरपरिषदेच्या गटनेत्या सुनिता किशोर पाटील, महिला आघाडीच्या बेबाबाई पाटील, उर्मिला शेळके, स्मिता बारवकर, जया पवार, मालती बापू हाटकर, संगिता आनंद पगारे, लता वाघ, प्रिती सोनवणे, सुनंदा महाजन, कल्पना पाटील, आमदार किशोर पाटील यांचे समर्थनार्थ पाचोरा शहर व तालुक्यातील सुमारे अडीच ते तीन हजार नागरीक छत्रपती शिवाजी महाराज चौकाजवळील शिवसेना कार्यालया जवळ एकत्रीत जन्मल्यानंतर या ठिकाणी मुकूंद बिल्दिकर यांनी मार्गदर्शन केल्यानंतर प्रमुख पदाधिकाऱ्यांनी छत्रपती शिवाजी महाराजांच्या व डॉ. बाबासाहेब आंबेडकर यांच्या पुतळ्यास पुष्पहार अर्पण करून रॅली कै. के. एम. (बापू) पाटील भाजीपाला मार्केट, जुने कोर्ट, देशमुखवाडी, सराफ बाजार, जामनेर रोड मार्गे पुन्हा शिवसेना कार्यालयाजवळ आल्यानंतर रॅलीचे विसर्जन करण्यात आले रॅलीत सुमारे एक हजार महिलांनी सहभाग नोंदविला.

वरिष्ठांच्या आदेशानुसार तसेच डी. वायर. एस. पी. भरतजी काकडे साहेब यांच्या मार्गदर्शनाखाली पाचोरा पोलीस स्टेशनचे पोलीस निरीक्षक किसनराव नजन पाटील यांनी आपल्या सहकाऱ्यांसह चोख बंदोबस्त ठेवला होता. यामुळे पोलिस बंदोबस्तामूळे पाचोरा शहराला छावणीचे स्वरूप आले होते.