दिलीप जैन.(पाचोरा)
दिनांक~२७/०२/२०२२

गांधी रिसर्च फाऊंडेशन जळगांव आयोजित, इंटरनॅशनल पोस्टर चित्रकला स्पर्धा आयोजित करण्यात आली होती. या स्पर्धेत जवळपास १२०० ते १४०० कला महाविद्यालयीन विद्यार्थ्यांनी सहभाग घेतला. या स्पर्धेत क्रीएटीव्ह गांधी, कोरोनासे क्या सीख पाए, ग्रीन अर्थ या ३ विषयावर चित्र साकारायची होती. या स्पर्धेत भारतातुनच नव्हे तर इतर देशातूनही या स्पर्धेसाठी चित्र आली होती.

या स्पर्धेत पाचोरावासीयांसाठी अभिमानाची गोष्ट ठरली ती म्हणजेच पाचोऱ्यातील रंगश्री आर्ट फाऊंडेशनचा विद्यार्थी अक्षय श्रीराम पाटील याला प्रथम १५०००/- पारितोषिक व अजय पांडुरंग विसपुते यास द्वितीय ७५००/- पारितोषिक मिळाले. इंटरनॅशनल स्पर्धेत रंगश्रीचे यश हे पहिल्यांदाच मिळाले त्यांना सुबोध कांतायन सरांचे मार्गदर्शन मिळाले.

*उल्लेखनीय बाब यातील आदरणीय परीक्षक*
श्रीमान जी उदय पारकर (आंतरराष्ट्रीय ऍड मॅन तथा स्पेस डिझायनर), श्रीमान वासुदेव कामत (आंतरराष्ट्रीय चित्रकार), या आंतरराष्ट्रीय ख्यातीच्या परीक्षकांनी महाराष्ट्रातील, जळगाव जिल्ह्यातील पाचोरा तालुक्याच्या विद्यार्थ्यांच्या चित्रांना दिलेला हा न्याय असून पाचोरावासीयांसाठी हा खूप मोठा सन्मान आहे.

अक्षयने केलेल्या चित्रात परीक्षकांना सिम्प्लिसिटी दिसून आली. त्याने दगडाची रचना करून त्यावर एक पीस लावून त्यातून गांधीजींची प्रतिमा निर्माण केली. अन त्यावरील घोषवाक्य “स्वतंत्रता की ओर कठीणाईयोपर चला. एक दूत शांती का” हे पण चित्राला खूप समर्पक होते. आंतरराष्ट्रीय राष्ट्रीय स्पेस डिझाइनर उदय पारकर यांनी अक्षयच्या चित्राबद्दल असे म्हटले की “ये तो मैने भी कभी सोचा भी नही, ये बच्चा आगे जा कर बडा डिझायनर बनेगा” तर दुसऱ्या चित्रात अजयने महाराष्ट्राच्या कलेचा म्हणजेच वारली कलेचा वापर केला. यानेही वारलीतुन गांधीजींच्या जीवनावर आधारित चित्र रेखाटली. त्यात एक तपस्वी हा तप करतांना दिसत आहे. तर तो तपस्वी ,साधक हा गांधीजींचे प्रतिकात्मक रुपात स्वातंत्रतेची साधना करतांना चित्रात दाखविला आहे.

परीक्षकांनी अक्षय व अजयच्या केलेल्या रचनेचे खूपच कौतुक केले.
रंगश्री तुन असेच कलावंत उदयास येतात की जे आपल्या तालुक्याचे, जिल्ह्याचे, राष्ट्राचे, अन देशाचे नाव उज्वल करतात. इंटरनॅशनल स्पर्धेत पाचोऱ्याचे नाव येणे तेही एक नंबर नव्हे तर दुसऱ्या नंबर साठी ही नाव उच्चारने हे आपल्या साठी खूप गौरवास्पद आहे.
त्यांच्या या यशाबद्दल रंगश्रीच्या अध्यक्षा श्रीमती मंजुळा मुरलीधर सोनार, सुबोध कांतायन भारती कांतायन, अजय पाटील, विशाल सोनवणे, वैभव शिंपी, आकाश सावंत, तन्मय पाटील यांनी सत्कार करून त्यांचे कौतुक केले. पाचोरा परिसरातील सर्व नागरिकांनी त्यांचे अभिनंदन केले.