सुनील लोहार.(कुऱ्हाड)
दिनांक~१६/०२/२०२२

पाचोरा तालुक्यातील कुऱ्हाड खुर्द येथे आज दिनांक १६ फेब्रुवारी बुधवार रोजी जामनेर मतदारसंघाचे आमदार व माजी मंत्री मा. श्री. गिरीश भाऊ महाजन यांच्या सहकार्याने मोफत मोतीबिंदू तपासणी शिबिराचे आयोजन करण्यात आले होते. यानिमित्ताने सकाळी १० वाजेपासून तर दुपारी १ वाजेपर्यंत दृष्टिदोष तसेच मोतीबिंदू असलेल्या रुग्णांची मोफत तपासणी करण्यात आली.

या मोफत तपासणी शिबिरासाठी जळगाव येथील प्रसिद्ध नेत्र चिकित्सक डॉ. मा.श्री. पी. एस.आव्हाड व मा.श्री. बाविस्कर यांनी कुऱ्हाड येथे येऊन डॉ. मा. श्री. महाजन यांच्या दवाखान्यात रुग्ण तपासणी व योग्य मार्गदर्शन केले. शिबिरात एकूण शंभर रुग्णांचे डोळे तपासणी करण्यात आले. या तपासणी शिबिरात ४० रुग्ण सदोष आढळून आले. यांच्या डोळ्यात मोतीबिंदू आढळून आल्यामुळे त्यांच्या डोळ्यांची मोफत शस्त्रक्रिया करण्यात येणार असून सोबत चष्म्याचे वाटप करण्यात येणार आहे.

हे शिबीर आमदार मा.श्री. गिरीश भाऊ महाजन यांनी आयोजित केले होते. या शिबिरासाठी महाजन यांचे स्वियक्षसहाय्यक आरोग्य दुत म्हणून ओळख असलेले मा.श्री. अरविंद देशमुख यांचे मोलाचे सहकार्य लाभले. या शिबिराचे यशस्वीतेसाठी मनोज शिंपी ,अशोक पाटील, डॉ.प्रदीप महाजन, प्रसाद शिंपी, प्रवीण देशमुख, ईश्वर भिल्ल, ग्रामपंचायत सदस्य समाधान पाटील, रमेश मुके, अनिल भगत, संतोष भिल्ल, मा.सरपंच किरण पाटील, मल्हारी माळी, रवी चव्हाण, विकास देशमुख, सुरेश मुके, उल्हास शेजुल, विष्णु मोगरे आदी भाजप कार्यकर्त्यांनी अथक परिश्रम घेतले.