दिलीप जैन.(पाचोरा)
दिनांक~२७/०१/२०२२

इंडियन मिनिस्ट्री ऑफ डिफेन्स अंतर्गत निमास संस्थेच्या विविध कोर्स मधील, ‘व्हाईट वाटर रिव्हर राफ्टिंग’ हा कोर्स करणारी भारतात सर्वात कमी वयाची पाचोरा शहरातील सहीष्णा सोमवंशी ही पहीली कन्या ठरली आहे.

भारताच्या डीरांग अरुणाचल प्रदेश आणि आसामच्या सिमेवर भारतीय सैन्य दलाने नॅशनल इन्स्टिटय़ूट ऑफ माउंटनींग ए लीड स्पोर्ट्स (निमास) ही संस्था गेल्या काही वर्षांपासून कार्यरत आहे. या ठिकाणी भारतातुन विविध राज्यांतील महीला आणि पुरुष अकरा दिवसाचा कॅम्प करण्यासाठी जातात. यात आपत्कालीन परिस्थितीत उपयोग घेण्यासाठी भारतीय लोक सक्षम असावे म्हणून हा कॅम्प इंडिया मिनिस्ट्री ऑफ डेफेन्सने बनवला असुन यात माउंटनींग, कुबा डायव्हिंग, पॅरा लायडींग, बायकींग, व्हाईट वाटर रिव्हर राफ्टिंग आदी कोर्स केले जातात.

येथे शुन्य तापमान असुन हा खडतर कोर्स पुर्ण करावा लागतो. टेन्ट मध्ये राहणे, सैन्या प्रमाणे जेवण घेणे, अतिशय थंड पाण्यात राफ्टिंग करावे लागते. यासाठी पालक मुलांना पाठवण्याचे धाडस करीत नाही. परदेशात अशा कोर्सला खुपच महत्व दिले जाते. त्यात जगात व्हाईट वाटर रिव्हर राफ्टिंग मध्ये इंडियन आर्मी एक नंबरवर आहे. त्यामुळे भारतीय सैन्यातील अनुभवी प्रशिक्षकांकडून हे सर्व कोर्स शिकवले जातात.

भारतातुन विशेष म्हणजे पाचोरा शहरातील फक्त १८ वर्षे सर्वात कमी वयाची सहीष्णा सचिन सोमवंशी हिने हा कोर्स करुन पहिला ठरली असल्याचा बहूमत खांन्देशाला मिळवून दिला आहे. सहिष्णाच्या या यशामागे तिचे वडील कॉंग्रेसचे अध्यक्ष मा.श्री. सचिन सोमवंशी व आई सौ.सुप्रिया सोमवंशी व आजी, आजोबांचा सहभाग व योग्य मार्गदर्शन कामी आले असे ती सांगते.

सहीष्णा सोमवंशी ही ज्या टिम मध्ये गेली त्यात अकरा महीला सदस्यांचा सहभाग होता. यात शुन्य तापमानामध्ये हा खडतर कोर्स करावा लागतो. यात रेस्क्यू ऑपरेशन शिकवले गेले आहे. प्रशिक्षण घेतांना येथे वास्तव्य करणेही आव्हानात्मक आहे. तब्बल सहा ते सात हजार कि.मी.चा प्रवास येथे जाण्यासाठी करावा लागतो.

(सहाष्णा ही पाचोरा शहरातील दत्त कॉलनीमध्ये निवसस्थानी येणार असल्याचे समजताच दत्त कॉलेजमध्ये जणू दिवाळीच साजरी होते आहे की काय असे वातावरण तयार झाले होते. कारण सहिष्णाच्या स्वागतासाठी दत्त कॉलनीत निवासस्थानी रांगोळ्या सजवण्यात आल्या होत्या तसेच सहिष्णाचे दत्त कॉलनीत आगमन होताच फटाक्यांच्या आतिषबाजीने परिसर दणाणून गेला होता.)

प्रत्येक पालकाने आपल्या मुलांवर विश्वास ठेऊन हा कोर्स करण्यासाठी उत्तेजित करावे या कोर्स मुळे प्रचंड आत्मविश्वास निर्माण होतो. येणाऱ्या काळात ज्यांना हा कोर्स करायचा त्यांना मी मार्गदर्शन करेल असे सहीष्णा सोमवंशी हीने सांगितले. महाराष्ट्र सरकारने प्रत्येक जिल्ह्य़ातील जे विद्यार्थी हा कोर्स करतील त्या विद्यार्थ्यांसाठी अनुदान उपलब्ध करुन द्यावे, जेणेकरून येणाऱ्या काळात होतकरु विद्यार्थी, युवक, युवती, यांच्याम आत्मविश्वास वाढेल आणि भावी पिढी चांगली निर्माण होण्यासाठी मदत होईल अशी आशा सहीष्णा ने व्यक्त केली आहे. तिच्या या धाडसाचे व यशाचे सर्वत्र कौतुक होत असून संपूर्ण तालुक्यातून अभिनंदनाचा वर्षाव होत आहे.